Postiac (Postiac en francés) es una anciana comuna occitana deu Vasadés istoric https://gallica.bnf.fr/ark:/12148/bpt6k9616679v/f145.item.zoom, lingüisticament gascona, administrada per lo departament de Gironda e la region de Novèla Aquitània, ancianament d'Aquitània. Postiac es adara dens la comuna de Naujan e Postiac.
Geografia Toponimia Las fòrmas ancianas son terram de Posteac, parrochia de Posteac, totas duas sense data e que venen deu cartulari de La Seuva Majora. Bénédicte Boyrie-Fénié pensa que Postiac ven de *Postius, dont Postinius, atestat, sembla que venga, e deu sufixe -acum Bénédicte Boyrie-Fénié, Dictionnaire toponymique des communes, Gironde, ed. CAIRN e Institut Occitan, Pau, 2008, p. 228, latinizacion deu sufixe gallés -ācon. En realitat, *Postiacum pòt pas donar Postiac segon las règlas normalas d'evolucion, mès *Poissac (cf. Possac a Agmèr, que benlèu a un autre etime). Justament, dens aqueth Entre Duas Mars que multiplica las pròvas d'una anciana preséncia de l'amudiment de -n- intervocalic (Espiet < *Espinet, Moliets < *Molinets, benlèu Lestiac < *Lestinac, e dens lo quite Agenés, Landerroat < *Landerronat), Posteac, avant resolucion de l'iatus (> Postiac) pòt pas representar qu'un ancian *Postenac (o *Postenag, *Postenago, segon la data de l'amudiment de -n-). *Postinus, varianta de Postinius, pòt convenir. Postiac èra donc probablament una anciana granda propietat antica qu'avèva per mèste Postinus.
Istòria Avant 1789, Postiac èra l'annèxa de Naujan https://gallica.bnf.fr/ark:/12148/bpt6k9616679v/f145.item.zoom. Èra una comunautat de pauc d'importància : 112 abitants en 1793 contra 627 per Naujan. Entre 1806 e 1820, annexèren Postiac a Naujan http://cassini.ehess.fr/cassini/fr/html/fiche.php?select_resultat=27697.
Demografia
Lo n° INSEE a estat cambiat per de las rasons practicas
Lòcs e monuments La glèisa Nòsta Dòna es un edifici en petit aparelh de plan rectangular, deus sègles XI e XII, tirat los tres casièrs (francés : enfeus) au nòrd que datan deu sègle XIII. La glèisa estut desafectada en 1791 e abandonada desempui. Es en roeinas adara.
Personalitats ligadas emb la comuna Veire tanben Nòtas