Provença-Aups-Còsta d'Azur o Provença-Alps-Còsta d'Azur (nom oficiau)Dins l'occitan locau de la region, existisson lei doas formas Aups e Alps (aquesta darriera se ditz en niçard e dins una partida de l'aupenc). o ben Provença (forma corta) es una region administrativa e una collectivitat territoriala de l'estat francés que se tròba tota en Occitània e que coïncidís aperaquí amb la region istorica de Provença.
Lo nom francés oficiau es Provence-Alpes-Côte-d'Azur: ne fan l'abreviacion artificiala «PACA» qu'una part de la populacion e dau movement occitanista considèra coma una forma despersonalizanta, tecnocratica e non istorica, e donc la desconselhan. Dempuèi 2018 lo conseu regionau utiliza tanben lo nom artificiau «la Région Sud» qu'es tanben despersonalizant e criticat per leis occitanistas: e d'alhors es pas reconeissut per la prefectura de region.“Selon la préfecture, « l’appellation "Région Sud" n’est effectivement pas officielle. Selon les dispositions de l’article L4121-1 du Code général des collectivités territoriales, le nom d’une région est modifié par décret en Conseil d’Etat après consultation du conseil régional et des conseils départementaux intéressés ». Or, la demande de changement de nom n’a pas été déposée auprès du Conseil d’Etat par le conseil régional. ”, Adrien Max, "Paca: Pourquoi Renaud Muselier prend des risques avec l’appellation «Région Sud»?", 20 Minutes, 26 de març de 2019.
thumb|254x254px|Mapa topografica de la region
Ten lei departaments seguents: leis Auts Aups, leis Aups d'Auta Provença, leis Aups Maritims, Var, Vauclusa e lei Bocas de Ròse.
Lo capluòc es Marselha. Son còdi INSEE es 93. Lo gentilici es provençau -ala (var. provençal -ala).
Istòria La circonscripcion d'accion regionala de Provença-Còsta d'Azur-Corsega es creada pel decret n°60-516 dau 2 de junh de 1960. Ten lei departaments seguents: Auts Aups, Aups d'Auta Provença, Aups Maritims, Bocas de Ròse, Corsega, Var e Vauclusa. Son còdi INSEE es 92. Lo decret n° 70-18 dau 12 de genièr de 1970 dessepara la circonscripcion en doas: Provença-Còsta d'Azur (còdi INSEE 93) e Corsega (còdi INSEE 94). En 1972, ven un establiment public regionau (lei n°72-619 dau 5 de julhet de 1972). Lo nom es cambiat en Provença-Aups-Còsta d'Azur pel decret n°76-722 del 2 d'agost de 1976. Finalament, ven una collectivitat territoriala mercé a la « lei Deferre » (lei n°82-213 dau 2 de març de 1982), a partir de las eleccions regionalas de 1986.
Presidents dau Conselh regionau Mandat President Partit1974-1981 Gaston Defferre PS1981-1986 Michel Pezet PS1986-1998 Jean-Claude Gaudin UDF1998-2015 Michel Vauzelle PS2015-2017 Cristian Estrosi LR2017- Renaud Muselier LR
Nòtas
*