Arbeishan (Arbéchan o Arbechan en francés) qu'es ua anciana comuna gascoa, situada dens lo departament de Gers e la region d', ancianament de Mieidia-Pirenèus. Despuish 1821, qu'es annexada a Sent Joan lo Comdau.
Geografia Lo vilatge d'Arbeishan qu'es sus ua tuca de 264 m a l'oèst-sud-oèst e a 2 km de Sent Joan lo Comdau. Que i a un accès dirècte a la RN 21 dempuish Aush sense passar per Sent Joan (cap a Pey) e ua sortida en direccion de Tarba (cap a La Poste Neuve, en passant per En Bidet, direccion de Labejan) https://www.geoportail.gouv.fr/carte cercar a 32550 Saint-Jean-le-Comtal. Lo vilatge qu'èra tant vau díser arren, mès dempuish quauques annadas que i a plan de construccions navèras, pr'amor de las vistas e perqué Aush qu'es a 13-14 km. La glèisa que s'es conservada.
Toponimia Ni Dauzat e Rostaing, nimei los Féniés disen pas arren d'aquera anciana comuna. Çò qui sembla segur qu'es en finala lo sufixe latin -anum (o gallés -ānon). Arbeishan qu'èra probablament ua grana proprietat antica. Lo nom deu mèste qu'èra benlèu Albicius, nomen latin (resultat esperat *Aubeishan), o *Arbacios, nom gallés inatestat Xavier Delamarre, Noms de lieux celtiques de l'Europe ancienne, ed. Errance, 2012, p. 55, 285 (resultat esperat *Arbaishan). Teoricament, dens lo prumèr cas, lo nom que pòt passar de *Albeissan(o) a *Arbeissan(o) per rotacisme; dens lo segond cas, *Arbaishan que's pòt dissimilar en *Arbeishan. Tanben, un crosament deus dus noms de persona es pas impossible : *Arbicius. Mès tombam dens l'especulatiu e benlèu que la solucion es diferenta. Arbeishan que donè lo son nom a L'Ila d'Arbeishan, ara oficialament L'Isle-de-Noé (cambiament tanlèu lo sègle XVIII https://www.geoportail.gouv.fr/donnees/carte-de-cassini cercar a 32300 L'Isle-de-Noé).
Istòria Au sègle XVIII, Arbeishan qu'èra ua parròpia annèxa https://www.geoportail.gouv.fr/donnees/carte-de-cassini cercar a 32550 Saint-Jean-le-Comtal En 1821, qu'annexèn Arbeishan a Sent Joan lo Comdau http://cassini.ehess.fr/cassini/fr/html/fiche.php?select_resultat=1044.
Demografia
Las donadas de la dreta deu grafic, plaçadas automaticament, que son las de la comuna de Sent Joan lo Comdau. En 1821, Sent Joan qu'avè 380 abitants : Arbeishan qu'èra en comparason ua petita comuna (de 3 o 4 km² en hasent ua règla de tres).
Véser tanben L'Ila d'Arbeishan.
Nòtas e referéncias