Las lengas tiefo son una pichona branca de lengas gor parladas en Burkina Faso. Lo tiefo es sovent presentat coma una sola lenga, mas Heath, Hantgan e Ouattara (2017) distinguisson doas lengas diferentas.
Classificacion Lo tiefo fa partida del gor sonat periferic, qu'es a dire que la question de sa plaça dins lo grop de las lengas gor demòra irresolguda. Heath, Hantgan e Ouattara, perpausan alaidonc de lo considerar coma una branca del ensem gor. Lo problèma es lo mateis per lo viemo, lo tossian e lo wara-natioroHeath, Hantgan e Ouattara 2017, p. 2..
Heath, Hantgan e Ouattara identifican doas lengas tiefo, lo tiefo de Niafogo (sonat per els tiefo-N) e lo tiefo de Daramandougou (tiefo-D). Aquel fach, foguèt ja establit per Winkelmann, qu'estudièt las doas lengas en 1990-1994 e que constatèt qu'èran pas mutualament comprensiblasHeath, Hantgan e Ouattara 2017, p. 1, 5..
Vitalitat Lo tiefo es plan menaçat de desaparéisser. Dempuèi la fin del sègle XIX, es mai que mai remplaçat pel diola, una lenga mande que ven a èsser la lingua franca, e la lenga dominanta dins lo sud-oèst de Burkina FasoHeath, Hantgan, Ouattara 2017, p. 1..
Notas e referéncias
Fonts Jeffrey Heath, Aminata Ouattara, Abbie Hantgan, 2017, Short grammar of Tiefo-N of Nyafogo (Gur, Burkina Faso), Language Description Heritage Library.