Lo cabard (o cherqués oriental) es una lenga caucasenca del nòrd-oèst parlada en Russia e dins la diaspora abaza, en Turquia.
Localisacion Lo cabard es parlat dins la Republica de Kabardino-Balkaria e dins la Republica de Karachai-Cherquessia e dins lo krai de Krasnodar, dins lo Caucàs rusShaguirov 1999, p. 102.. La lenga es tamben parlada en Turquia, Siria e Jordania, dins de comunitats exiliadas al XIX sègle, après la conquista russa del Caucàs.
Segon lo recensament sovietic de 1989, i aviá 391 000 cabards e 52 500 cherquesses, es de dire de cabards de Kuban-Zelenchuk. Demest aquelas populacions, lo cabard èra la lenga mairala de 379 848 cabards e de 47 322 cherquessesKlimov 1994, p. 49..
Classificacion e dialèctes Lo cabard es classificat dins la familha de las lengas caucasencas del nòrd-oèst, ont forma lo grop cherqués amb l'adigue. Los dialèctes de la lenga sonColarusso 1988, p. 7.: lo cabard: parlars de Terek, Kuban, Mozdok, Malka, Baksan lo besleney, o besney los parlars de Kuban-Zelenchuk, o cherqués, un tèrme oficial en Russia, mas ambigú, qu'es tamben utilizat per designar l'adigue o l'ensem adigue-cabard.
Referéncias
Fonts A. K. Shaguirov, 1999, Kabardinskiy iazyk dins G. Klimov (ed.) Iazyki Mira - Kavkazskie iazyki, p. 102-113, Moscòu, Akademia. John Colarusso, 1988, The Northwest Caucasian Languages - A Phonological Survey, Nòva York, Garland Publishing. Georgij A. Klimov, 1994, Einführung in die kaukasische Sprachwissenschaft (traduch del rus per Jost Gippert), Hamborg, Helmut Buske Verlag.
Categoria:Inventari de lengas Categoria:Lenga caucasenca del nòrd-oèst Categoria:Lenga de Russia Categoria:Lenga de Turquia Categoria:Lenga de Siria Categoria:Lenga de Jordania