Sençac (Sensacq en francés) qu'ei ua anciana comuna gascona de Tursan situada dens lo departament de las Lanas e la region de Navèra Aquitània, ancianament d'Aquitània. Despuish 1844, qu'ei incorporada a Miramont e Sençac.
Geografia Sençac qu'ei au sud-oèst de la comuna de Miramont e Sençac. La glèisa qu'ei sola dab lo son cementèri, un chic mèi luenh a l'oèst sus ua sèrra son quauques ostaus e lo castèth de Sençac.
Toponimia Las fòrmas ancianas son de Sensaco, en 1289, Sensac, sus duas mapas deu començament deu sègle XVIII. Bénédicte Boyrie-Fénié dona pas la prononciacion Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 154.
Bénédicte Boyrie-Fénié qu'explica lo nom per un cognomen, Senicio, dab lo sufixe -acu-. Non se sap perqué, B. Boyrie-Fénié qu'escriu Sensac . Se cercam noms aparentats, que i a Sinsat, que Dauzat e Rostaing explican per un nom latin d'òmi Sincius e Censy, nom latin d'òmi Centius, Cencenac, per *Cincinnus, inferit deu nom latin d'òmi Cincius, lo tot dab lo sufixe -acum Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, respectivament p. 658, 161 e 652. Delamarre qu'utiliza lo nom gallic Cintios per Censy, qui èra donc un *Cintiācon segon eth Xavier Delamarre, Noms de lieux celtiques de l'Europe ancienne, ed. Errance, 2012, p. 114, 292 e 335. Tots aqueths noms, seguits deu sufixe celtic -ācon, latinizat en -acum, que convienen foneticament e que justifican obligatòriament ua grafia Sençac o Cençac (mès en cas de dobte, la grafia mèi simpla que s'impausa, donc Sençac). Sençac qu'èra donc ua grana proprietat antica o leugèrament posteriora.
Istòria En 1844, qu'incorporèn Sençac a la comuna de Miramont e Sençac http://cassini.ehess.fr/cassini/fr/html/fiche.php?select_resultat=36019.
Demografia
Lo n° INSEE qu'ei estat cambiat per rasons practicas.
Lòcs e monuments La glèisa de Sent Jacme, inscritas aus monuments istorics despuish lo 17 de heurèr 1997. Lo castèth de Sençac
Personalitats ligadas dab la comuna Véder tanben Miramont e Sençac Comunas de las Lanas
Ligams extèrnes Comunautat de comunas de Shalossa Tursan Nòtas
Categoria:Lanas