Arròs d'Auloron (Arros-d'Oloron en francés) qu'ei ua anciana comuna de Bearn situada ena vath d'Aspa. Qu'ei administrada peth departament deths Pirenèus Atlantics dera region de Navèra Aquitània, ancianament d'Aquitània. Despuish eth 1èr de gèr de 1973, qu'ei comuna associada d'Asasp e Arròs.
Geografia Eth borg qu'ei situat sus era RN 134, ath sud de Gurmençon e ath nòrd d'Asasp, a 7 km d'Auloron. Qu'ei situat ath bòrn dera ribèra hauta deth Gave d'Aspa.
Toponimia Arros qu'ei era sola fòrma anciana, citada en 1220, 1249, 1367, 1380 e era mapa de Cassini. Era prononciacion qu'ei [arros] (grafia Grosclaude) Michel Grosclaude, Dictionnaire toponymique des communes du Béarn, Escòla Gaston Febus, 1991, p. 285.
Dauzat qu'explica eth nom per un radicau basco (aquitanic) (h)arr- « pèira », seguit deth sufix aquitanic -ossum Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 29, a Arras 3, mès Miquèu Grosclaude que precisa era explicacion convien mau per un vilatge de ribèra. Grosclaude qu'aima mei era explicacion de Gerhard Rohlfs : lo nom basque qu'ei Arrotze e eth toponime qu'ei format deth cognomen Arro, atestat dens era peninsula Iberica (dab eth sufixe aquitanic -ossum) .
Istòria Paul Raymond qu'escriu en 1385, Arròs comptava 7 fòcs (Asasp 17). Eras duas comunitats que depenèvan deth bailiatge d'Auloron. Que i avè ua abadia laïca a Arròs, vassala dera vescomtat de Bearn.
Eth 27 de deceme de 1956, Arròs que vadó Arròs d'Auloron. Eth 1èr de gèr de 1973 (arrestat prefectorau deth 29 de decembre de 1972), era comuna d'Arròs d'Auloron qu'estó incorporada a Asasp entà formar era comuna navèra d'Asasp e Arròs http://cassini.ehess.fr/fr/html/fiche.php?select_resultat=1371. Qu'ei ua fusion-associacion https://www.insee.fr/fr/metadonnees/cog/commune/COM64055-arros-d-oloron.
Administracion
Demografia
Lòcs e monuments Personalitats ligadas dab era comuna Véder tanben Comunas deus Pirenèus Atlantics
Ligams extèrnes Nòtas
Categoria:Comuna dera Vath d'Aspa Categoria:Comuna de Bearn Categoria:Comuna deus Pirenèus Atlantics