thumb|right|Fotografia de Churchill, de Roosevelt e d'Estalin durant la conferéncia. thumb|right|Division politica d'Euròpa après la conferéncia de Yalta.
La Conferéncia de Yalta es una reünion que se debanèt entre lo 4 e lo 15 de febrier de 1945 durant la fasa finala de la Segonda Guèrra Mondiala en Euròpa. Recampèt Estalin per l'Union Sovietica, Roosevelt per leis Estats Units d'America e Churchill per lo Reiaume Unit. Son objectiu èra de coordenar una estrategia comuna per véncer definitivament l'Alemanha Nazi, de reglar l'organizacion dau continent après la desfacha alemanda e d'assegurar l'estabilitat de l'òrdre mondiau novèu eissit de la guèrra.
Dins lei fachs, lo resultat de la conferéncia es considerat coma un « partiment dau mond » entre leis Estatsunidencs e lei Sovietics car sei decisions aguèron un ròtle important durant la Guèrra Freja : integracion de França dins lo grop dei tres « Grands ». partiment d'Alemanha en quatre zònas ocupadas per l'URSS, leis Estats Units, lo Reiaume Unit e FrançaLa zòna d'ocupacion francesa èra constituïda de territòris prelevats sus lei zònas estatsunidencas e britanicas.. intrada en guèrra de l'URSS còntra Japon tres mes après la capitulacion alemanda e l'annexion per Moscòu dei territòris perduts per Russia en 1905 a la fin de la Guèrra Russojaponesa. creacion dei Nacions Unidas. adopcion dau traçat dei frontieras europèas de 1945.
Liames intèrnes
Conferéncia de Potsdam. Ocupacion d'Alemanha après la Segonda Guèrra Mondiala. Segonda Guèrra Mondiala.
Bibliografia
Nòtas e referéncias