vinheta|Pèire Boissièra en 2005. Pèire Boissièra, estilizat Pèire Boissière<small> (sit web oficial)Las doas formas son presentas sus son siti web, e solament Boissièra sus sa pagina Bandcamp. Pèire Boissièra es son nom occitan, e Pèire Boissière es un mescladís francitan. Son nom en francés es Pierre Boissière., nascut a Gavaudun lo 18 de mai de 1944 e mòrt lo 8 de genièr de 2022 a Vilanuèva d'Òlt a l’atge de 77 ans, èra un poèta e cantaire, defensor de la lenga occitana e de sa cultura. Èra tanben contaire e factor de joguets sonòrs vegetals e de jòcs tradicionals.
Biografia vinheta|Pèire Boissièra conta a l'EOE en 2016. Engenhaire agronòm de formacion, trabalhèt en America Centrala quand èra jove, puèi dins l’ensenhament agricòla, abans de se consacrar sonque a son art.
Dins las annadas 70, faguèt de collectatges de cants tradicionals en Auvèrnha, Agenés e Gasconhahttps://web.archive.org/web/20220327012054/https://sondaqui.com/oc/catalogue-regionau?q=boissi%C3%A8re. Puèi comencèt de los cantar. Son repertòri s’espandèt amb de tèxtes de trobadors, de romanças judeo-espanholas e catalanas, de poèmas en occitan qu’aviá mes en musica (16e, 17e, 19e), de corridos mexicans e de cançons francesas (Bobby Lapointe, Charles Trenet…) https://lafeuilleamta.fr/events/soiree-chant-avec-pierre-boissiere.
Animator de l'Escòla Occitana d'Estiu pendent una trentenada d’annadas e president dins las annadas 2010, faguèt tanben de conferéncias toponimicas dins l’encastre de la «Quinzaine Occitane du Lot-et-Garonne» pendent d’annadas.
S’engatgèt dins l’occitanisme politic al Partit Occitan. Foguèt conse de La Cauçada de 1995 a 2001, puèi adjunt al conse de Gavaudun.
Discografia 1999 : Cap Negra 2006 : Margarida 2019 : De tot un pauc
Referéncias
Ligams extèrnes sit web (archiu) pagina Bandcamp
Categoria:Musica occitana Categoria:Cantaire occitan Categoria:grops e cantaires d'Occitània Categoria:Cantaira e cantaire dels ans 1990 Categoria:Cantaira e cantaire dels ans 2000 Categoria:Cantaira e cantaire dels ans 2000