Rita Mitsouko, o Les Rita Mitsouko, es un grop de pop rock francés eissit del corrent new wave. Se son formats en 1979 jos lo nom de Sprats, puèi an cambiat lo nom en Rita Mitsouko a partir de 1981. An conegut una fama fòrça importanta en França tre las annadas 80 ambe mantuns tubes pendent aquesta decenia e son demorats populars dincas a la fin del grop en 2007.
Biografia
Rita Mitsouko s'es format a París autorn del duò Catherine Ringer (al cant) e Fred Chichin (als clavièrs e a la guitarra). Còsta aqueste duò qu'es lo nuclèu dels Rita Mitsouko, mantuns musicians an çaquelà participat al grop sus l'empont o en estudiò.
Cantan en francés e de temps en temps en anglés. D'orientacion pop 80 new wave (Marcia Baïla, Le petit train, Singing in the Shower), lo grop s'es pr'aquò obèrt cap a d'autres estilis. Aital, Andy presenta d'influéncias funk e disco, mentre que C'est comme ça es un autentic tròç rock.
En 1990, Rita Mitsouko recebèt lo grand prèmi del ròck francés, lo « Bus d'Acier de la decenia ».
An sortit sèt albums estudiòs entre 1984 e 2007. Au som de lor popularitat entre 1985 e 1993, èran sovents comparats o opausats pendent aquesta periòda a Niagara, autre duò pop rock francés plan coneguthttps://web.archive.org/web/20250528074529/https://www.rtl.fr/culture/musique/niagara-et-rita-mitsouko-dans-le-duel-stop-ou-encore-7782727069.
Lo Fred Chichin defuntèt a 53 ans d'un cancèr lo 28 de novembre de 2007.
La cançon la mai coneguda dels Rita Mitsouko es Marcia Baïlahttp://www.chartsinfrance.net/Les-Rita-Mitsouko/Marcia-baila-s132.html qu'es tanben un tube festiu emblematic de las annadas 80 en França.
Discografia 1984: Rita Mitsouko 1986: The No Comprendo 1988: Marc et Robert 1993: Système D 2000: Cool frénésie 2002: La femme trombone 2007: Variéty
Cançons mai conegudas Don't forget the nite (1982 e 1991) Marcia Baïla (1985) Andy (1986) C'est comme ça (1987) Les histoires d'A (1987) Singing in the shower (1989, ambe Sparks) Le petit train (1989) Y'a d'la haine (1993) Les amants (1994) Cool frénésie (2000) Alors c'est quoi (2000) Triton (2002) Communiqueur d'amour (2007) Ding dang dong (Ringing at your bell) (2007)
Referéncias
Categoria:grop de rock francés Categoria:Grop de musica francés Categoria:Grop de rock Categoria:Grop de musica dels ans 1980 Categoria:Grop de musica dels ans 1990 Categoria:Grop de musica dels ans 2000 Categoria:New wave