right|250px|thumb|The Cure sus l'empont a Singapor en 2007
The Cure, o de còps simplament Cure, es un grop anglés emblematic del pop rock, fondat en 1978. Es actualament compausat de Robert Smith (cant e guitarra), Roger O'Donnell (clavièrs), Reeves Gabrels (guitarra), Simon Gallup (bassa), Perry Bamonte (guitarra e clavièrs) e Jason Cooper (batariá). Devenguts fòrça populars capvath lo monde entièr en plena periòda new wave au bèth miei de las annadas 1980, an fòrça influençat la cultura populara actuala, e pas unicament au nivèu de la musica : per exemple, fòrça monde de la mòda gotica an pres aqueste grop coma referéncia, en particular pr'amor de l'estetica victoriana romantica de lors disques del començament de las annadas 1980 (Charlotte sometimes), que fasián a-n'aqueste moment una musica malenconiosa, per pas díser sinistra, qualificada de còps de cold wave (A forest), e quitament un pauc mai tard son estat prés per modèla pr'amor de lor look post-punk, tot aquò a contribuït de'n far un grop culte.
L'autra fàcia del grop a partir de la segonda mitat de las annadas 1980 es la del grop pop, au sens pròpi coma au sens musical del tèrme, qu'aguèron fòrça gròsses tubes entre 1985 e 1993 (In between days tre la fin de 1985, Close to me e una novèla version de Boys don't cry en 1986, Just like heaven en 1987, Lullaby e Lovesong en 1989, High en 1992), fasent d'eles a-n'aquesta periòda un dels grops los mai populars de lor generacion.
A partir de 1993-1994, The Cure passa un pauc de mòda, la popularitat del grop s'aflaquís pr'amor benlèu de la relèva, ambe la pujada d'una novèla mena de britpop (Blur, Oasis, The Cranberries, Supergrass...).
Lor cançon de 1987 Just like heaven a la particularitat d'èsser culta pr'amor d'una part qu'es una de las mai conegudas de lor repertòri aus Estats Units, e d'autra part pr'amor qu'en França (Occitània francesa compresa) a servit a l'epòca (1987-1988) de generic a l'emission televisada Les enfants du rockhttps://www.radiofrance.fr/franceinter/podcasts/pop-co/just-like-heaven-de-cure-1442958.
Discografia 1979: Three Imaginary Boys 1980: Seventeen Seconds 1981: Faith 1982: Pornography 1984: The Top 1985: The Head on the Door 1987: Kiss Me, Kiss Me, Kiss Me 1989: Disintegration 1992: Wish 1996: Wild Mood Swings 2000: Bloodflowers 2004: The Cure 2008: 4:13 Dream 2024: Songs of a Lost World
Cançons mai conegudas en Occitània A forest (1980 e 1991) Charlotte Sometimes (1982 e 1986) Let's Go to Bed (1983) The love cats (1984) In Between Days (1985)http://www.chartsinfrance.net/The-Cure/In-Between-Days-s252.html Close to me (1986) Boys don't cry (1986)http://www.chartsinfrance.net/The-Cure/Boys-Don-t-Cry-New-Voice-New-Mix--sc344.html Why can't I be you (1987) Just like heaven (1987)http://www.chartsinfrance.net/The-Cure/Just-Like-Heaven-s539.html Lullaby (1989)http://www.chartsinfrance.net/The-Cure/Lullaby-s851.html Lovesong (1989) Never enough (1990) High (1992)http://www.chartsinfrance.net/The-Cure/High-s1434.html Friday I'm In love (1992) A Letter To Elise (1992)
Referéncias
Cure, The Cure, The Cure, The Cure, The Cure, The Cure, The Cure, The Cure, The