Un sinecisme es un acte politic caracteristic de l'Antiquitat grèga. Permetiá de reünir plusors vilatges o vilas per formar una ciutat novela, generalament sus una basa egalitària. Aquò èra sovent acompanhat per l'adopcion d'un nom novèu per designar l'entitat formaa, per la construccion d'una agòra e de fortificacions e per l'amainatjament d'un santuari religiós dedicat a una divinitat protectritz comuna. Lo sinecisme es un fenomene relativament frequent e los mai ancians semblan de datar dau periòde protoistoric(fr) Pierre Lavedan, Histoire de l'urbanisme, H. Laurens, 1966, p. 113.. Pasmens, de reünions contunhèron fins a la fin dau sègle I avCPer exemple, lo sinecisme de Nicopolis d'Epira aguèt luec en 31 avC.. Fòrça ciutats grègas, coma Atenas, Esparta o Megalopolis, èran ansin eissias d'un sinecisme.
Un mecanisme juridic similar existissiá en Itàlia dins l'espaci etrusc(fr) Dominique Briquel, La Civilisation étrusque, Fayard, 2003, p. 134.. En particular, Roma foguèt probablament fondaa a l'eissia d'un sinecisme entre plusors vilatges que chausiguèron lo Capitòli coma centre comun.
Liames internes
Grècia antica. Vila.
Bibliografia
(fr) François Hartog, Évidence de l’histoire : Ce que voient les historiens, Éditions de l’École des hautes études en sciences sociales, 2015. (fr) Numa Denis Fustel de Coulanges, La Cité antique, Durand, 1864.
Nòtas e referéncias