Bertran de Gordon, var. Bertram de Gordon (fl. 1209–1231), èra un nòble occitan carcinòl. Èra senhor de Gordon, cavalièr e trobador.
Actiu pendent la Crosada dels albigeses, èra a l'origina partisan de Ramon VI de Tolosa. Malgrat aquò, Bertran càmbia de camp quand faguèt omenatge per sas tèrras al rei Felip II de França en decembre de 1211. Alludís aquela accion dins una cobla de 1212, una responsa a las criticas d'un cèrt Mahieu o Matheus (pas Matieu de Carcin) per "se vendre" als franceses. Bertran anèt lèstament als crosats jos Simon de Montfòrt en mai de 1218 e faguèt omenatge a Simon per sas tèrras. Bertran escriguèt un tenso comic amb Pèire Raimon de Tolosa, uèi conegut jos l'incipit Totz tos afars es nienz. Foguèt datat abans de 1211 per Joseph Anglade sus la basa que probablament Bertran èra pas encara en desacòrd amb sos companhs barons del sud. Segurament Bertran de Gordon èra l'òste e patron de Peire Raimon, que que veniá tot escàs de quitar la cort de Tolosa, principal enemic de la crosada.
Referéncias
Veire tanben Lista de trobadors e trobairises
Bibliografia
Categoria:Trobador carcinòl del sègle XIII Categoria:Nòble occitan Categoria:Cavalièr occitan Categoria:Senhor de l'Edat Mejana Categoria:Camp occitan de la Crosada dels Albigeses Categoria:Crosat de la Crosada dels Albigeses