thumb|right|Exemplari subrevivent de SU-76.
Lo SU-76 es un canon automotorLo SU-76 es de còps presentat coma un caçaire de carris car leis Alemands o considerèron coma un JagdPanzer. Pasmens, aquò èra pas l'intencion iniciala dei Sovietics. sovietic desvolopat durant la Segonda Guèrra Mondiala que foguèt utilizat per mai d'una armada fins ais ans 1990. Sa concepcion èra basada sus una version alongada dau quadre dau carri T-70. L'objectiu èra de produrre un veïcul rustic e simple dotat d'un canon anticarri capable de tirar una gama larga de municions diferentas. Aquò permetèt de produrre exemplaris e lo SU-76 foguèt ansin lo segond blindat sovietic pus produch durant la guèrra après lo T-34.
Sus lo prat batalhier, lo canon dau SU-76 mostrèt rapidament son eficacitat gràcias a sa polivaléncia e a sei performàncias. D'efiech, èra capable d'assegurar de missions de canon d'assaut, de caçaire de carris e de batariás d'artilhariá mobila. De mai, dins lo domeni de la lucha anticarri, lo desvolopament de municions pus poderosas li permetèt d'obtenir de resultats còntra lei carris alemands pus pesucsPasmens, còntra lei blindats alemands pus pesucs, lei Sovietics preferissián amirar lei canilhas ò lo canon car un tir dirècte còntra lo blindatge èra pas totjorn capable de traucar la proteccion.. Sa massa reducha (10,2 t) li permetiá tanben de circular dins de zònas relativament palunosas amb un sostèn minimau de part de l'engèni militar. Per exemple, en 1944, lei SU-76 aguèron un ròtle primordiau dins la progression de l'Armada Roja en Bielorussia. En revènge, lei blindatges lateraus e arrier èran febles e la suspension tròp limitada. Après 1945, lo SU-76 foguèt utilizat per lei Nòrd Coreans durant la guèrra de 1950-1953. Puei, demorèt en servici dins de país dau blòt comunista ò de país africans. Lei SU-76 vietnamians conoguèron ansin egalament lo combat.
Liames intèrnes
Caçaire de carris. Canon d'assaut.
Bibliografia
(en) Steven J. Zaloga e James Grandsen, Soviet Tanks and Combat Vehicles of World War Two, Londres, Arms and Armour Press, 1984.
Nòtas e referéncias
Categoria:Canon automotor Categoria:Carri sovietic Categoria:Carri de la Segonda Guèrra Mondiala Categoria:Carri de la Guèrra Freja