Los beces, o los bedoths, son d'arbres del genre Betula e de la familha de las Betulacèas.
Son comuns en Euròpa e butan generalament sus las tèrras pauras e sovent siliciosas, fins a 2000 m d'altitud, e dins las regions articas. Los beces son de plantas pionièras que constituisson sovent la premièra formacion arborada de la reconquista o de la colonizacion de landas per los bòsques. Aiman mai los sòls puslèu acids e umids. Los beces forman de bòsques sonats beçada, beçareda, beceda, becet, beçosa...
Sa rusca blanca, lissa e brilhanta porta mantuna tacas negras, sovent acompanhadas de crebassas. Existisson quatre espècias de beces en Euròpa, amb doas fòrça espandidas : Betula pendula e Betula pubescens, e dos arbrilhons de las regions articas : Betula nana, e Betula humilis. Se trapan tanben de beces en Asia e en America del Nòrd. En clima temperat, los beces vivon mens longtemps (30-40 ans), mas pus al nòrd (Suècia, Finlàndia, Siberia, etc.) pòdon viure fins a 100 ans e mai« Les bouleaux » article sur le site Desjardins Inspiration.
Es un arbre caducifòli que florís d'abrial a mai. Lo beç es fòrça conegut per sa rusca blanca, lissa e brilhanta, sas fuelhas pichonas coloradas de tintas verd clar al printemps e jaune a l’auton« Bouleau : un très bel arbre d’ornement » article sur le site jardiner-malin. Sa color blanca es deguda a la betulina, son principal constituent. Lo pòrt del brancum es sovent quilhat e relativament aerat, que filtra la lutz en estiu. Lo beç es considerat coma un bèl arbre d'ornament e sas caracteristicas li permeton de s'adaptar a tot tipe de jardin. Sas inflorescéncias son de catons alongats de de longor, quilhats puèi pendents pels mascles e de quilhats per las femes. Sos fruits sont de samaras agropats en catons. Aquel arbre de la rusca blanca pelada pòt aténher 20 a de naut e fins a de diamètre a la basa. Las raices dels beces son pauc prigondas. Las diferentas espècias thumb|right|250px|Un beç (Betula pendula) en ivèrn Betula pubescens ssp. pubescens Ehrh. Betula pubescens ssp. tortuosa (Ledeb.) Nyman Betula alleghaniensis Britt. Betula borealis Spach Betula jarmolenkoana Goloskokov Betula kirghisorum Sawicz Betula lenta L. Betula minor (Tuckerman) Fern. Betula murrayana Barnes et Dancik Betula nana L. Betula neoalaskana Sarg. Betula nigra L. Betula occidentalis Hook. Betula papyrifera Marsh. Betula pendula Roth Betula platyphylla Sukatschev Betula platyphylla var. japonica (Miq.) Hara Betula platyphylla var. kamtschatica (Regel) Hara Betula populifolia Marsh. Betula pubescens Ehrh. Betula pumila L. Betula schugnanica Litv. Betula uber (Ashe) Fern. Betula utilis D.Don, 1825
Referéncias
Categoria:Betulaceae Categoria:Boscassilha Categoria:Planta utila Categoria:Planta medicinala Categoria:Arbre Categoria:Flòra (nom vernacular)