thumb|right|200px|Gary Christian sus l'empont en 2016 Los Christians es un grop musical anglés pop format en 1985 a Liverpool, al Reialme Unit.
Christians, lo nom del grop, es tot simplament lo nom d'ostal dels tres fraires (Garry, Roger e Russel) que fan partida de la formacion originala ; Christian es tanben lo segond prenom del guitarrista : Henry Christian Priestman. Roger Christian quita lo grop tre 1987. Los fraires Christian son membres d'una familha nombrosa nascuda d'un paire jamaïcan e d'una maire anglesa de Liverpool.
L'estili musical dels Christians mescla la soul, la pop e lo rhythm and blues.
Lo primièr album del grop es publicat en 1987. Aquel disc e sos singles obten de succès en Anglatèrra e quitament dins qualques autres païses, pasmens cal esperar lor segond album, Colour, en 1990, per los descobrir en Occitània, en particular ambe lor títol Words, l'una de las mai gròssas capitadas de l'annada 1990, una adaptacion en anglés de la cançon irlandesa Mná na hÉireann. Aital, Los Christians ven l'un dels grops pop màgers de la primièra mitat de las annadas 1990, mas a partir de 1994, lor popularitat baissa. Los musicians van cambiar, e de la formacion originala de 1985, demorarà pas fin finala que Garry Christian.Balma (Haute-Garonne) : Les 30 ans de «The Christians» à la nouvelle salle de spectacle https://www.ladepeche.fr/article/2017/04/27/2563830-30-ans-the-christians-nouvelle-salle-spectacle.html
Discografia 1987 : The Christians 1990 : Colour 1992 : Happy in Hell 2003 : Prodigal Sons 2009 : Soul from Liverpool 2012 : Speed of Life 2015 : We
Cançons mai conegudas en Occitània Words (1990, adaptacion en anglés de Mná na hÉireann de Seán Ó Riada) I Found Out (1990) What's in a Word (1992) Father (1993)
Referéncias
Categoria:Grop de musica britanic Categoria:Grop de musica dels ans 1990