thumb|right|Representacion japonesa de la famina realizaa en 1838.
La Granda Famina Tenpō es una importanta famina que tochèt Japon, mai que mai lo nòrd de Honshū, de 1833 a 1837. Foguèt la consequéncia d'aigats violents, d'una baissa rapida de las temperaturas, d'una perda de las culturas e, en causa de la raretat de la noiritura, d'una aumentacion generala dels pretz(en) Marius B. Jansen, The Emergence of Meiji Japan, Cambridge University Press, 1995, p. 5.. Puei, d'epidemias (gripa, vairòla, senepion, etc.) e de proliferacions d'insectes agravèron la crisi. Lo nombre de victimas es inconeigut, mas entre 1834 e 1840, solament 8 províncias japonesas sus 68 raportèron una aumentacion de lor populacion. Al contrari, 18 províncias senhalèron una demenicion de 5 % dau nombre d'abitants.
La manca de noiritura suscitèt pereu plusors revòutas. La mai importanta es probable aquela d'Ōshio Heihachirō, un samorai que menèt una revòuta de païsans e assajèt de prendre lo contraròtle los magasins de ris d'Osaka. Los combats destruguèron un cinquen de la vila e s'achabèron per una victòria de las autoritats localas. Adoptaas en 1842, las reformas Tenpo foguèron una temptativa de restablir l'autoritat politica dau govern centrau. Pasmens, permetèt pas de luchar contra la corrupcion de l'administracion e menèron a la restauracion Meiji.
Ligams internes
Reformas de Tenpo. Restauracion Meiji.
Bibliografia
(en) Marius B. Jansen, The Making of Modern Japan, Cambridge, Harvard University Press, 2000. (en) Conrad D. Totman, Early Modern Japan, Berkeley, University of California Press, 1993.
Nòtas e referéncias