200px|thumb|right|Vald en 2015 Valentin Le Du, dich Vald, nascut en França còsta París a Aulnay-sous-Bois, en Sèina e Sant Danís lo 15 de julhet de 1992, es un rapaire francés, de soca bretona per son paire.
Comencèt de rapar a 17 ans. Publiquèt un mesclatge NQNTMQMQMB (Ni Queue Ni Tête Mais Qui Met Quand Même Bien) en 2012, seguit d'un autre mesclatge Cours de rattrapage la meteissa annada. Los dos foguèron reeditats en 2016 coma un CD doble e publicat sus son site internèt.
Lo 27 d'octòbre de 2014, Vald publiquèt tornamai son mini album de debuta NQNT (Ni Queue Ni Tête) ambe un vidèo musical, Bonjour, qu'aguèt de succès. Foguèt seguit per la sortida del mini album NQNT 2 lo 25 de setembre de 2015.
Lo 20 de genièr de 2017, sortiguèt enfin son primièr vertadièr album, Agartha ; l'album foguèt un gròs succès e obtenguèt una certificacion de platin en França, es a díser que se seriá vendut a mai de cent mila exemplars.
Lo 2 de febrièr de 2018, Vald sortiguèt son segond album XEU, ambe de collaboracions ambe d'autres rapaires, en particular Sofiane. L'album recebèt una dobla certificacion de platin (al mens dos cent mila exemplars de venduts). Foguèt seguit pel mesclatge NQNT33 en setembre de 2018.
En octobre de 2019, sortiguèt son tresen album, Ce monde est cruel (Aquel mond es crudèl), puèi V en 2022 ; los dos foguèron disc de platin tanben. Entretmps, participèt tanben en 2020 a un album comun ambe lo rapaire francés Heuss l'Enfoiré, Horizon vertical.
Discografia 2017 : Agartha 2018 : XEU 2019 : Ce monde est cruel 2022 : V 2025 : Pandémonium
Categoria:Cantaire francés Categoria:Rapaire francés Categoria:Naissença en 1992 Categoria:Cantaira e cantaire dels ans 2010 Categoria:Cantaira e cantaire dels ans 2020