thumb|right|Cartocha de .45 ACP.
Lo .45 ACP es un calibre de cartocha desvolopat per John Browning (1855-1926) en 1904 dins lo quadre de la concepcion dau Colt M1911. Es una municion de pistolet d'un diamètre de 11,43 mm que desvolopa una energia cinetica compresa entre 483 e 676 J a la sortida dau canon. Aquela poissança moderada e lo diamètre relativament important de la bala aumentan lei possibilitats d'infligir una bleçadura grèva sensa traversar la buta. En revènge, la talha importanta dei cartochas limita lo nombre de municions dins lei cargaires. La velocitat febla de la bala limita tanben la portada eficaça de l'arma, çò que foguèt un problèma per lei militars estatsunidencs durant la Segonda Guèrra Mondiala. Pasmens, l'usatge dau .45 ACP foguèt tradicionau ais Estats Units fins a l'adopcion dau 9 mm Parabellum per lei fòrças estatsunidencas dins lo corrent deis ans 1980. Dempuei aquela data, demòra un calibre frequentament adoptat per lei diferentei polícias dau país.
Liames intèrnes
Colt M1911.
Bibliografia
(fr) Gérard Henrotin, La mécanique du Colt .45 expliquée, Éditions H&L, 2013.
Nòtas e referéncias
Categoria:Municion