Galeazzo Ciano (18 de març de 1893, Ligorna - 11 de genier de 1944, Verona) es un òme politic e un diplomata dau regime de Mussolini. Foguèt una figura majora de l'Itàlia faissista.
Fiu de l'amirau Costanzo Ciano, aderissèt au faissisme tre lo començament deis ans 1920 e venguèt diplomata en 1925. En 1930, si maridèt amb Edda, la filha de Mussolini, e venguèt ministre deis Afaires Estrangiers en 1936. S'apliquèt alora a formar puei a renforçar l'aliança germanoitaliana a l'origina de l'aisse Roma-Berlin. En mai de 1939, signèt lo Pacte d'Acier e sostenguèt l'ataca d'Albania per l'armada italiana. Pasmens, a partir de 1939, la poissança militara d'Alemanha comencèt de l'inquietar e assaièt sensa succès de frenar l'intrada d'Itàlia dins la Segonda Guèrra Mondiala.
En julhet de 1943, votèt la descasença de Mussolini e s'enfugissèt en Alemanha, onte foguèt internat, après l'arrestacion dau Duce. Desenant considerat coma un traite, foguèt liurat per leis autoritats dau III Reich a la Republica de Salo organizada dins lo nòrd d'Itàlia a l'entorn de Mussolini. Condamnat a mòrt, foguèt executat en genier de 1944.
Liames intèrnes
Benito Mussolini Faissisme
Bibliografia
Serge Berstein e Pierre Milza, Dictionnaire historique des fascismes et du nazisme, Complexe, 2010. Pierre Milza, L'Histoire de L'Italie des origines à nos jours, Fayard, 2008.
Nòtas e referéncias