Lo prèmi Nobel de fisiologia o medecina onora cada an, segon las volontats del testament d'Alfred Nobel, de personalitats del monde medical e de la recerca en biologia que l'òbra rendèt de grands servicis a l'umanitat. Lo laureat deu aital aver portat de sabers inedits o de tecnicas novèlas dins lo domeni.
Lo prèmi es atribuït per l'assemblada Nobel, compausada de cincanta professors de l'Institut Karolinska, a partir d'una lista de nominacions prepausadas pel comitat Nobèl. Aquel comitat se compausa de cinc sòcis elegits per tres ans per l'Assemblada Nobel. Las nominacions sont establidas amb l'ajuda d'autres grands instituts medicals suedeses e estrangièrs, de cercles de cercaires, d'eminentas personalitats del monde medical o encara d'ancians laureats del prèmi que prepausan cada an mai d'un noms eligibles pel prèmi. Lo guerdon pòt pas èstre conjuntament atribuït a mai de tres personas.
Après la revelacion del nom del o dels laureats debut octobre, la medalha e lo diplòma de la fondacion Nobel li son oficialament remés pel rei de Suècia, lo 10 de decembre seguent, jorn aniversari de la mòrt del fondator del prèmi. Dempuèi 2001, lo prèmi Nobèl es dotat d'un montant de 10 milions de coronas suedeses, siá un pauc mai d'un milion d'euròs.
Veire tanben Lista de premiats Nobel de fisiologia o medecina Categoria:Prèmi Nobel