Sophie Adenot, nascuda lo 5 de julhet de 1982 a Cosne-Cours-sur-Loire (Nièvre), es una militara, engenhaira e astronauta francesa. Durant la la mission Epsilon, en febrièr de 2026, venguèt la segonda femna francesa, après Claudie Haigneré, d'efectuar un vòl espacial, e rejonh aital lo grop de detz astronautas franceses qu'an atenh l'orbita abans ela.
Seguiguèt una formacion d'engenhaire aeronautic a l'Institut supérieur de l'aéronautique et de l'espace (ISAE-SUPAERO) a Tolosa e al Massachusetts Institute of Technology (MIT) a Cambridge als Estats Units. Trabalhèt primièr per Airbus Helicopters, rejonhèt puèi l'Armada de l'aire e de l'espaci ont venguèt pilòt d'elicoptèr puèi pilòt d'ensages, la primièra sus elicoptèr en França.
En novembre de 2022, fasiá partida dels cinc candidats retenguts per l'Agéncia espaciala europèa (ESA) per son quatren grop d'astronautas. Completetèt sa formacion iniciala en abril de 2024, puèi li mes seguent foguèt afectada a la mission SpaceX Crew-12 amb un enlairament lo 13 de febrièr de 2026 per un sojorn de nòu meses a bòrd de l'estacion espaciala internacionala.