Lo Tractat sus lei fòrças nuclearas de portada intermediària es un tractat internacionau signat per leis Estats Units e l'URSS lo 8 de decembre de 1987. Fa partida deis acòrdis que permetèron de resòuvre la crisi deis euromissils. Après la Guèrra Freja, contunièt de s'aplicar ai fòrças estatsunidencas e russas fins a sa denonciacion per lei dos país en 2019. Prevesiá e organizava la destruccion de totei lei missils de crosiera e de totei lei missils balistics estatsunidencs e sovietics tirats a partir dau sòu e aguent una portada compresa entre 500 e km. La màger part deis armaments regardats per lo tractat foguèron destruchs avans la dislocacion de l'URSS, mai de negociacions ulterioras foguèron necessàrias per organizar lo desmantelament dei missils presents en Bielorussia, en Cazacstan e en Ucraïna après l'independéncia dei republicas sovieticas.
Liames intèrnes
Crisi deis euromissils. Guèrra Freja.
Bibliografia
Nòtas e referéncias