thumb|right|Partiment deis Índias en 1947.
Lo Partiment deis Índias designa lo partiment de l'Empèri deis Índias Britanicas en dos Estats independents en foncion de critèris demografics e religiós. Intrat en vigor lo 15 d'aost de 1947, entraïnèt la formacion de Paquistan a partir dei territòris musulmans e d'Índia a partir dei territòris indós. D'importants transferiments e desplaçaments de populacion aguèron luòc entraïnant la migracion de 12,5 milions d'abitants e la mòrt de quauquei centenaus de miliers de personas. Doas regions istoricas de la peninsula, Bengala e Panjab, foguèron partejadas entre lei dos país. Paquistan èra tanben constituït de doas entitats territòrialas separadas que formèron lo Paquistan Occidentau e lo Paquistan Orientau. En 1971, la partida orientala venguèt independenta e formèt Bangladèsh.
Lo partiment regardava egalament l'administracion, lo tesaur public e lei fòrças militaras. Laissava ai princes demorats formalament independents dins lo quadre de l'Empèri Britanic la chausida de demorar independents ò de jonhér un dei dos estats. La volontat d'independéncia dau principat d'Hyderabad menèt rapidament a una invasion de son territòri que foguèt integrat per fòrça au sen d'Índia. Pasmens, la dificultat principala se situèt en Cachemir, una region musulmana dirigida per un prince indó. Après d'esitacions, son prince chausiguèt de se raliar a Índia, çò que foguèt la causa de la Premiera Guèrra Indopaquistanesa e, pus generalament, dau conflicte indopaquistanés.
Liames intèrnes
Cachemir. Índia. Premiera Guèrra Indopaquistanesa. Raj Britanic.
Bibliografia
(fr) Alain Daniélou, Histoire de l'Inde, Fayard, 1983, 660 p. (fr) Michel Boivin, Histoire de l'Inde, París, Presses universitaires de France, coll. « Que sais-je ? », 2015.
Nòtas e referéncias