thumb|right|Representacion grèca d'Agamemnon (sègle V abC).
Agamemnon es ua figura importanta e tragica de la mitologia grèga, incarnacion de la desmesura deu poder (hubris) e de la malediccion ereditària. Dens los racontes, es donc presentat com un òme de poder eishorbat per la soa autoritat e incapable d'escapar au destin teishut per las soas fautas.
Hilh d'Atrèu e frair de Menelas, es rei de Micenas e d'Argos. Quan Paris rauba Elena, esposa de Menelas, es Agamemnon qui fedèra los reis grècs e que pren la direccion de la coalicion dirigida contra Tròia. La soa autoritat es immensa, mes contestada. En particular, Aquilles entra en conflicte obèrt dab eth autanlèu la debuta de l’Iliada d'Omèr, furiós que lo rei micenenc l'aja pres la soa captiva Briseïda. De mei, abans la partença de l'expedicion, Agamemnon comet l'acte qu'escairà lo son destin : tad obtiéner vents favorables a la flòta grèca, sacrifica la soa pròpia dròlla Ifigenia sus l'autar de la divessa Artèmis. Aqueth acte mostruós non serà pas jamei perdonat per la soa esposa Clitemnestra. Après lo son retorn victoriós de Tròia, Agamemnon es atau assassinat. La mort deu rei es lo punt de partença de la grana trilogia d'Esquil, l’Orestiada on lo son hilh Orèste venjarà lo son pair en tuant la soa mair, provocant la perseguida de las Eumenidas.
Ligams intèrnes
Iliada. Micenas. Mitologia grèca. Orestiada.
Bibliografia
(fr) Josef Fischer, « Agamemnon, roi des rois à Mycènes ? », Pour la science, n° 474, abriu 2017, pp. 32-38.
Nòtas e referéncias