Un diagnostic es un procès destinat a identificar e comprendre una situacion, un problèma ò un estat donat, en vista de prendre de decisions adaptadas. Lo tèrme es sovent associat au domeni medicau, onte designa l'identificacion d'una malautiá a partir de simptòmas, d'examens e d'analisis. Pasmens, s'aplica tanben a d'autrei domenis.
D'un biais generau, lo diagnostic es basat sus plusors etapas que son la collècta d'informacions, l'observacion, l'analisi de donadas e l'interpretacion dei fenomèns observats. Es fondat sus de conoissenças, de metòdes e, de còps, d'otís especifics (assais, indicaires, modèls, etc.). L'objectiu es de redurre l'incertitud e de pausar un jutjament fondat sus d'elements objectius. Un diagnostic eficaç permet ansin de descriure una situaicon a un moment donat, d'explicar lei causas d'un problèma ò d'anticipar leis evolucions possiblas.
Lo diagnostic es donc un preliminar essenciau a l'accion. Permet de prepausar de solucions pertinentas, de s'engardar d'errors d'interpretacion e d'optimizar lei chausidas. Sa qualitat despend de la fisabilitat deis informacions, de rigor de l'analisi e dau nivèu de competéncia de son ò de seis autors.
Liames intèrnes
Diagnostic medicau.
Bibliografia
Nòtas e referéncias