vinheta|331x331px|Vestigis de Sant Blasi. L'oppidum de Sant Blasi es un site arqueologic màger de la Mediterranèa occidentala, situat sus lo territòri de la comuna provençala de Sant Mitre dei Barris, pròche Fòs, dins lo despartament francés dei Bocas de Ròse. Lo site es listat coma un monument istoric despuei lo 16 de septembre 1943.
Frequentat despuei lo neolitic e a l'Edat dau bronze, Sant Blasi es mai que tot conegut coma oppidum celtoligur. Foguèt lo site d'un comptador etrusc tre lo sègle VII AvC, e lo luec d'un comèrci de la sau reculhida sus plaça. La ciutat prosperèt a l'epòca greca e foguèt protegida per una embarri ellenistic« L'oppidum de Saint-Blaise », Dossier de l'Archéologie, n°84.. Lo site prenguèt lo nom d'Ugium dins l'antiquitat tardiva e l'Auta Edat mejana puei se perlonguèt dins lo vilatge de Catstèuveire. Foguèt un luòc d'abitacion fins au sègle XIV, quand lei darriers estatjants l'an quitada per anar a Sant Mitre.
Localizacion Sant Blasi es situat pròche la Mediterranèa, la Mar de Bèrra e la Crau. En drechiera, es a 8km dau Martegue, 6km d'Istre, 4km de Fòs, 16km de Pòrt Sant Loís, 24km de Selon de Crau e 36km de Marselha e d'Ais de Provença. Es a extremitat nòrd de la plana de Castelhon, sus un istme que dessepara l'estanh de Lavalduc a l'oèst e l'estanh de Citís au nòrd.
L'oppidum es situit sus un esperon barrat que porgís una defensa naturela dau costat deis estancs, que lei tresplomba de 30 fins a 50 mètres segon leis endrechs. Lo site occupa una superficia de 5,5ha, e compòrta dos plans qu'an un quinzenau de mètres de denivelat entre elei.
Lo plan inferior, que se ditz Vila Bassa, es a una altitud de 50m e se perlònga l'edat medievala per lo vilatge de Castèuveire. Lo plan superior, que se ditz la Vila Auta, culmina a 65m, mai ò mens, ambe sa partida au sud que constituís çò que dison La Ciutadèla.
Cronologia La cronologia que fai referéncia a l'ora d'ara es estat establida per Bernard Bouloumié sus la basa dei trabalhs d'Henri Rolland, e tèn còmpte lei donadas recentas de l'estratigrafia. Ela permet d'establir 8 jaç arqueologics per lo site. Sant Blasi INeolitic ancian e mejan, Calcolitic, tre 4700 AvC.Jaç VIIISant Blasi IIEdat dau bronze (ancian e finau), tre 2000 AvCJaç VIIISant Blasi III650-475 AvCJaç VII (650-600 AvC)Jaç VI (600-550 AvC)Jaç V (550-500 AvC)Sant Blasi IV475-200 AvCJaç IV (500-350 AvC)Sant Blasi Va e Vb200-120/80 AvCJaç III (350-49 AvC)Sant Blasi Vcmitan dau sègle I AvC.Jaç III (350-49 AvC)Sant Blasi VIo periòde UgiumSant Blasi VIUgium I (sègles IV/V – IX)Jaç II (49 AvC-900 ApC)Sant Blasi VIUgium II (sègles IX – XI)Jaç II (900-1100 ApC)Castèuveiresègles XII – XIVJaç (1200-1400 ApC)
Nòtas e referéncias
Veire tanben
Categoria:Monument de Provença Categoria:Site arqueologic de Bocas de Ròse