Ël Genoa Cricket and Football Club, o mach Génoa, a l'é na società 'd fótbal ëd Génoa. Tra le squadre fondà an Italia a l'é cola pì veja da già ch'a l'é fondasse dël 1893. La squadra rossa e bleu a l'é cola ch'a l'ha fàit pì pont tra 'l 1898 e 'l 1929, valadì quand as giugavo ij campionà che as fasìo anans ëd la Serie A dël di d'ancheuj, fàita mach da un giron.
Ël Génoa a l'ha vagnà neuv ëscudèt, dont ël prim dël 1898 ant ël Velòdrom Umbert I ëd Turin, antramentre che l'ùltim campionà 'd fótbal vagnà dai genovèis a l'é dël 1923-24. Tra ij torneo vagnà a-i é 'dcò la Copa Italia dël 1937. Ant j'ani '10 dël sécol ch'a fa XX ël Génoa a l'ha 'dcò partecipà al campionà italian ëd bala a nov an vagnand quatr ëscudèt (1912, 1913, 1914 e 1919).
Ël Génoa a l'ha 'l récord ëd vitòrie ant ël campionà 'd Serie B, con ses tìtoj (1934-35, 1952-53, 1961-62, 1972-73, 1975-76 e 1988-89). Ëdcò ant la stagion 2004-05 ël Génoa a l'ha finì 'l campionà 'd Serie B an prima posission, ma a l'é stàit peui degradà a l'ùltim pòst e degradà an Serie C për condota nen sportiva.
An Piemont ël Génoa a l'ha vàire club ëd tifos che as treuvo a: Turin, Noara, Neuve, Biela, Gavi, Valeme, Ël Mondvì, Ovà.
Genoa Categorìa:Génoa