Ij fransèis a l'é na canson grignòira ch'a parla dla rivalità tra ij fransèis e ij piemontèis. A pias tant a le masnà e a l'é tant dovrà 'nt le lession ëd piemontèis a scòla.
Test
Ij fransèis a l’han le braje rosse, ij piemontèis a-j tajo le cimosse. La làut làut, làut, a-j tajo le cimosse, la làut làut, làut, regin-a com’ a va?
Trallalallallà chëlle grande 'ns ël sofà, chëlle cite a chërso pa, chëlle cite a chërso pa. Trallalallallà chëlle grande 'ns ël sofà, chëlle cite a chërso pa, a son tròp an-namorà.
Ij fransèis a l’han la testa dura, ij piemontèis a-j fiaco la figura. La làut làut, làut, a-j fiaco la figura, la làut làut, làut, regin-a com’ a va?
Trallalallallà...
Ai fransèis piaso le caramele, ij piemontèis veulo le fije bele. La làut làut, làut, veulo le fije bele, la làut làut, làut, regin-a com’a va?
Trallalallallà...
Ij fransèis a l’han la pleuja dura, Ma ij piemontèis a-j pòrto an siportura. La làut làut, làut, a-j pòrto an siportura, la làut làut, làut, regin-a com’a va?
Trallalallallà...
Categorìa: Canson popolar piemontèisa