Pyrgus onopordi Descrission Ël Pyrgus onopordi a l'é na farfala dla famija dj'Hesperiidae, un-a dle pì gròsse dël géner . La duvertura dj'ale a l'é ëd 28-32 mm . La part superior a l'é gris brun con dle macie bianche, butà an manera regolar. La part inferior a l'é brun olivastr con dë scaje vërde e macie bianche pì marcà an sj'ale posterior . A-i é na certa variabilità ant ël disegn, e a peul esse confondù con d'àutre specie dël géner (es. Pyrgus malvae, Pyrgus alveus) .
Ambient A viv ant ij teren erbos e fiorì, ij pra sech, le colin-e assolà e le zòne stëplà, dal livel dël mar fin a 1.600 méter . Le ruve a mangio vàire piante dle famije dle Rosaceae (dzortut Potentilla, Rubus, Fragaria) e dle Malvaceae (Alcea) . La farfala a vòla an doi o tre generassion a l'ann, da magg a stèmber, a sconda dla località . La ruva a passa l'invern an sël teren .
Distribussion A l'é spantià an Euròpa sentral e meridional, an Àfrica dël Nòrd e an Asia sentral (fin a l'Iran) . An Italia a l'é present an tuta la penìsola, gavà j'ìsole (a l'é nen present an Sicilia e Sardëgna) . A l'é considerà na specie comun-a, ma a l'é an declin an quàich region për la perdita d'habitat . A l'é classificà "Arzigh Minim" (LC) da l'IUCN .
Arferiment bibliogràfich për chi a veul fé dj'arserche pì ancreuse
Pyrgus onopordi Rbr.
Categorìa:Pyrgus