thumb|right|200px|Lewis Carroll Scritor an lenga anglèisa e matemàtich. Lewis Carroll a l'é lë stranòm literari dlë scritor Charles Lutwidge Dodgson, nassù a Daresbury (Cheshire) ël 27 ëd gené dël 1832 e mòrt a Guildford (Surrey) ël 14 ëd gené dël 1898.
Fieul d'un parco anglican, a l'é stàit educà për quatr agn a Rugby e ant ël maj 1850 a l'é intrà al Christ Church d'Oxford. Ambelessì a l'é peui restà dal 1855 al 1881 tanme letor ëd matemàtica e con dij badò aministrativ. A vintun agn a l'é vnù diaco.
Òm sarà, Carroll a l'era na përson-a genà e a tartajava. Soe mej amicissie a j'ero dle cite fije. Për un-a ëd coste, Alice Liddell, Carroll a l'ha scrivù Alice's adventures in Wonderland. Indiferent al sucess, a l'ha seghità a vive për sò cont, për dedichesse ai sò studi lògich-matemàtich e ai sò passatemp, dont col ëd la fotografìa.
Euvre prinsipaj Literatura Alice's adventures in Wonderland (1865) Costa fàula a l'ha esercità n'arciam ancreus an sle masnà e a l'é vnùita un clàssich dla literatura për ij cit. Peui a l'ha anciarmà viaman ëd pi ëdcò ij grand. Un dij tema sentraj ëd la fàula a l'é l'arconossiment dij paradòss contnù ant la chërsùa e l'adatament a la realtà. Ël manuscrit a l'é stàit vendù da Alice Liddell ant l'avril 1928 për 15400 ësterlin-e. Phantasmagoria (1869) Through the looking glass (1871) Continuassion dAlice's adventures in Wonderland, a l'ha avù scasi autërtant sucess che cost-sì. The hunting of the Snark (poemet, 1876) Rhyme and reason (1883) A tangled tale (1885) Sylvie and Bruno (an doe part, 1889 e 1893) A l'é l'euvra ch'a l'ha surbì tut l'ampegn literari ëd Carroll për vint agn. Collected verse'' (poesìe butà an arcòlta ant ël 1932)
Matemàtica A syllabus of plane algebraic geometry (1860) The formulae of plane trigonometry (1861) An elementary treatise on determinants (1867) Euclid, book V., proved algebraically (1874) Euclid and his modern rivals (1879) A l'é ël travaj prinsipal an sël qual as basa soa riputassion ëd matemàtich. The game of logic (Londra, 1887) Curiosa mathematica (1888) Symbolic logic (Londra, 1896) Pillow problems''' A l'é n'archeujta dë 72 problema d'aritmética, àlgebra, geometrìa, trigonometrìa, geometrìa analìtica, càlcol infinitesimal e càlcol dle probabilità. The new method of evaluation as applied to π
Carroll, Lewis Carroll, Lewis Carroll, Lewis Carroll, Lewis