Cornaja grisa Descrission Ël Corvus corone cornix (cornaja grisa) a l'é n'osel ëd la famija dij Corvidae, considerà ancheuj na specie a part (Corvus cornix). A l'é longh 48-52 cm, con n'aliura ëd 105 cm e a pèisa anviron 500 g. La caraterìstica pì vistosa a l'é la livrea: la testa, la gola, j'ale, la coa e le piume dle cheusse a son nèire, mentre la part restanta dël còrp (mantel e pansa) a l'é gris sënner. Ël bech e le piòte a son nèir, l'iris a l'é brun. Ij giovo a l'han na colorassion pì smòrta e j'euj grisastr o bleu. Sò crij a l'é un raucc e përfond "kraa", motobin smijant a col dla cornaja nèira.
Ambient A viv ant na gran varietà d'ambient: campagne, colin-e, teren coltivà, boschin, parch e sità. A preferiss le zòne duverte e as adata bin a la presensa uman-a. A fà 'l nil an sj'erbo àut o an sle costrussion uman-e, e a duverta 4-6 euv. A l'é onìvora: a mangia 'd tut, da j'inset, verm e cit mamìfer a le carògne, j'euv, ij frut e jë mnis.
Distribussion As treuva an tuta l'Euròpa setentrional, oriental e sud-oriental, dal Regn Unì e Scandinavia fin a la Russia e ai Balcan; a l'é present ëdcò ant l'Asia sud-ossidental e ant ël Medi Orient. An Italia a l'é comun-a an squasi tuta la penìsola, ant la Pian-a Padan-a e ant le zòne colinàire; a l'é mancanta an quàich zòna dle Alp pì àute. A l'é classificà "Arzigh Mìnim" (LC) da l'IUCN.
Arferiment bibliogràfich për chi a veul fé dj'arserche pì ancreuse
Corvus corone cornix L., 1758
Categorìa:Corvus Categorìa:Cornajass