thumb|right|De-ie 'n colp col rat ambelessì për vardé 'l filmin thumb|Euv ëd Lanius nubicus
Lanius nubicus Descrission La Lanius nubicus (griva mascrà) a l'é la pì cita dle grive. A l'é longa 17-18,5 cm, con n'aliura ëd 24-26,5 cm e a pèisa anviron 20-23 g . A l'ha na coa longa e 'l bech a gancio . Ël mas-cc a l'ha le part superior dzortut nèire, con la front, la coron-a e la riga dzora a j'euj (dzorsign) bianche, e dle gròsse macie bianche an sle spale e sj'ale . La gola, ij fianch dël còl e le part inferior a son bianche, con ij fianch e 'l pét color arancion . La fumela a l'é na version pì smòrta dël mas-cc, con le part superior brun-nèire e un ton gris o camoss an sle spale e le part inferior . Ij giovo a son gris-maròn con dë strìe scure .
Ambient A viv ant ij bòsch duvert con busson e erbo gròss . A l'é men aparissent che j'àutre grive, a évita ij teren tròp duvert e soens as pògia an leugh meno espòst . A mangia dzortut gròss inset, e dle vire cit vertebrà . A fà 'l nil ant n'erbo, e a duverta 4-6 euv .
Distribussion As treuva ant l'Euròpa sud-oriental (an sla penìsola balcànica e an Turchìa) e ant l'Asia minor (Siria, Israele, Iran ossidental) . A l'é 'n migrator e a passa l'invern ant l'Àfrica nòrd-oriental (Ciad, Sudan, Etiòpia) . A l'é considerà "Arzigh Minim" (LC) da l'IUCN .
Arferiment bibliogràfich për chi a veul fé dj'arserche pì ancreuse
Lanius nubicus (Lichtenstein, 1823)
Categorìa:Lanius Categorìa:Grive