Monticola saxatilis Descrission Ël Monticola saxatilis (passra rossa) a l'é n'osel passeriform ëd la famija dij Muscicapidae . A l'ha na longhëssa ëd 17-20 cm e a peisa 48-60 g . A l'é pitòst robust e con la coa curta . Ël mas-cc d'istà a l'ha la testa e 'l cupiss gris bleu, la schin-a bianca, j'ale brun-e scur, la part inferior e la coa 'd color arancion rossastr, an rendend-lo inconfondìbil . Le fumele e ij giovo a l'han na livrea pitòst crìptica, con le part superior brun-e e dë scaje ciàire, le part inferior pi ciàire con dë strìe scure . L'istess che 'l mas-cc, a l'han la coa 'd color rossastr . Sò cant a l'é ciàir e melodios, e a canta soens an vòl .
Ambient A viv ant ij teren rocos e duvert con pòca vegetassion, dzortut an montagna a quote àute . A preferiss ij pra rocos, le prere, le zòne con ròch e busson spatarà, soens davzin a cite val. A l'é 'n gran migrator: a passa l'invern ant l'Àfrica a sud dël Sahara .
Distribussion A nidìfica ant l'Euròpa meridional, ant l'Asia sentral e ossidental fin-a a la Cin-a setentrional . An Italia a l'é present an sj'Alp e an sj'Apenin (dzortut an Abruss), con na popolassion stimà d'apopré 2.000-5.000 cobie . A l'é na specie protegiùa e a l'é classificà "Arzigh Mìnim" (LC) da l'IUCN .
Arferiment bibliogràfich për chi a veul fé dj'arserche pì ancreuse
Monticola saxatilis Linneus, 1766
Categorìa:Monticola