Prato a l'é na sità dla Toscan-a ëd 185.660 abitant, capleugh ëd l'omònima provinsa.
Stòria A l'época roman-a a-i era ant la campagna un sènter econòmich dit Pagus Cornius, dont a l'é nà ant l'Età ëd mes n'aglomerassion ciamà Borgh al Còrnio.
A l'época longobarda, Prato a l'é trovasse sota la tua dël cont Ildebrand. Ël fieul ëd chiel-sì, Albert, a l'ha fondà la potenta famija dj'Albert, dont ij mèmber a dventran ij gran sgnor dla Toscan-a feodal.
La comun-a as dësvlupa tanme j'àutre sità toscan-e: dël 1187 Prato a l'é arconossù comun-a lìbera da l'imperator. Des agn pi tard a rampiassa ël cónsol con ël podestà che, a soa vira, a lassa 'l pòst al capitani dël pòpol. A parte dal 1248 Prato a dventa na base amperial an sla stra ëd Pulia. Ëd cost cò la potensa amperial a testimònia ancor ancheuj ël Castel imperial, castel fortificà con ij merlo ghiblin costruì da l'imperator Federich II ëd Hohenstaufen an sle fondamente dl'antich castel comital dj'Albert. A col época a restava fòra dai murajon dla sità alvà ant ël sécol ch'a fà XII, ma a l'interior dla cinta dël sécol ch'a fà XIV, ancor bin conservà.
A la fin dla dominassion dij Hohenstaufen a s-ciòpo dle ruse antestin-e, amplificà da la pression ch'a ven da fòra da le sità guelfe e ghiblin-e. Dël 1313 ël goern comunal a ciama la protession ëd la ca real d'Angiò ëd Nàpoli la qual, dël 1351, a ven la sgnorìa ëd Prato a Firense.
Ant ël sécol ch'a fà XVI, antramentre che j'art a foson-o grassie al mecenatism dij Médici, la conomìa a subiss dle pèrdite dont as libererà mach ant ël sécol ch'a fa XIX.
Dal 1992 a l'é capleu ëd provinsa.
Leu d'anteresse Ël dòm ëd Sant Ësteo La cesa ëd San Dumini La cesa ëd San Fransesch La cesa ëd Santa Marìa dle Përzon Ël castel amperial Ël Musé Luigi Pecci Ël Musé ëd pitura mural
Aministrassion Ël sindich a l'é Roberto Cenni (dal 22/06/2009).
Sità binele thumb|right|200px|Ël dòm Prato a l'é binelà con: border|20px Bir Lehlu, Repùblica Àraba Saharawi Democràtica 20px Changzhou, Cin-a border|20px Ebensee, Àustria 20px Nam Dinh, Vietnam border|20px Pabianice, Polònia border|20px Roubaix, Fransa 20px Sarajevo, Bòsnia e Erzegòvina 20px Wangen im Allgäu, Almagna
Anliure esterne Sit istitussional