Ij Cordà (Chordata, Bateson 1885) a rapresento un phylum d’animaj caraterisà da avèj ‘n sostegn andrinta al còrp, ciamà notocòrda. As divido ën tre grup: Tunicà: a sono cite bestie marin-e, fissà al substrà, sessij e a forma ‘d sach, come l’Ascidia Anfiòss: a vivo ant ël mar, a son longh da 3 a 5 cm e a smijo ‘d pèss sensa testa, A vivo quasi sempre ant la sabia dël fond, come l’Anfiòss. Cranià: a l’han na testa bin dësvlupà. A comprendo ij subphilum Agnata e Vertebrata. Ant lë scond i trovoma pèss, osej, anfibi, rétij e mamìfer.
Morfologìa
Tuti ij Cordà a son parent, dagià ch’a presento dë strutture fàite per sosten-e ‘l còrp (notocòrda). A l’han un sistema nervos dësvlupà a comensè dal tubo neural; da ‘ndova a parto ij nerv.
Tuti j'embrion dij cordà a së smijo motobin, con sistema nervos, coa, aòrta dorsal, tubo digerent e un vas principal dël sangh (ël cheur dij vertebrà)
Sistemàtica
Subphylum Tunicata (Urocordà ò Tunicà) Class Ascidiacea (Ascidie) Class Appendicularia Class Thaliacea Subphylum Cephalochordata (Cefalcordà) Famija Asymmetronidae Famija Branchiostomidae Subphylum Vertebrata (Vertebrà) Infraphylum Agnatha (Agnà) Superclass Cyclostomata (Ciclostòm) Superclass †Ostracoderma Infraphylum Gnathostomata (Gnatostòm) Superclass Pisces (Pess) Class Chondrichthyes (Pess con le cartilàgin) Class Osteichthyes (Pèss con j'òss) Superclass Tetrapoda Class Amphibia (Anfibi) Class Reptilia (Rétij) Class Aves (Osej) Class Mammalia (Mamìfer) Class †Synapsida
Categorìa:Zoologìa Chordata