|right|140px thumb|right|200px|Ël vej pont turch (Stari most) Mostar (Мостар) a l'é na sità dla Bòsnia e Erzegòvina, capital stòrica e sènter prinsipal dl'Erzegòvina. A conta 125.448 abitant (2004). A l'é traversà dal fium Neretva, ch'a la divid an doi bande: la part oriental (bosnìaca) e la part ossidental (croata).
Stòria Fondà ant ël sécol ch'a fa XV daj Turch, Mostar a l'é dventà na guarnigion otoman-a dël sécol ch'a fa XVI, quand a l'é stàit costruì ël famos ponte vej (Stari Most) an pera a n'arch ùnich (27 méter), caplavor dl'angignarìa otoman-a. Dël 1878 a l'é passà sota l'Imperi Àustro-Ungàrich e dël 1918 a l'é intrà ant ël Regn dij Serb, Croat e Sloven (peui Jugoslavìa).
Durant la Guèra an Bòsnia, Mostar a l'é stàita assedià për neuv mèis da l'esèrcit jugoslav e serb-bosnìach, e dòp a l'é stàita sena 'd bataje antra Croàt e Mussulman. L'9 novèmber 1993 l'artijerìa croata a l'ha campà giù ël pont vej, simbol ëd la sità e dl'ancontr antra le culture. Ël pont a l'é stàit ricostruì con fond antërnassionaj e a l'é stàit duvertà dël 2004; dël 2005 l'àrea dël pont e dël sènter stòrich a l'é stàita diciarà Patrimòni Mondial da l'UNESCO.
Leu d'anteresse Stari Most (ël ponte vej), ricostruì dël 2004. Čaršija (ël bazar otoman), con le boteghe d'artisan e ij cafè. La moschea ëd Tabacica e l'antich hammam (bagn turch). La catedral catòlica e le gesie ortodosse. Ël musé e le galarìe d'art.
Anliure esterne Sit istitussional
Categorìa:Sità dla Bòsnia e Erzegòvina