Un pissacan: la Macrolepiota excoriata
Descrission Capel fin a 10 cm., bes òcra ciàir, feltrà, con scaje ch'as dëstaco an vers ël bòrd. Lamele biancastre. Gamba àuta fin a 10 cm. e larga fin a 1(1,5) cm., bes biancastra, povrosa feltrà. Anel sempi.
Ambient A chërs ant ij pra, ant j'indrit erbos sota bòsch ciàir, ant le bordure.
Comestibilità
Comestìbil.
Notissie Ël Balbis (1800, ai sò tempo la denominassion sientìfica a l'era Agaricus excoriatus) ant soa grafìa a arpòrta 'l nòm "cucumelle", ch'a conferma 'l nòm atual cucumele ch'a l'é dovrà an certe zòne për ël géner Macrolepiota.
Arferiment bibliogràfich për chi a veul fé dj'arserche pì ancreuse Macrolepiota excoriata (Schaeff. : Fr.) Wasser
Categorìa:Macrolepiota