Un pinajeul: ël Suillus viscidus
Descrission Capel fin a 10 cm., tachiss, bes òcra dëstiss, marmorà ëd gris brun, soens lavà ëd vërdastr oliva dal bòrd che a l'é apendicolà. Tuboj da adnà a decorent, biancastr peui gris oliva monet. Përtus motobin largh, nen regolar, bes carn ciàir peui gris oliva monet. Gamba àuta fin a 10 cm. e larga fin a 2 cm., un pòch dël midem color o rossastra sota l'anel, motobin ciàira dzora. Carn mòla, biancastra peui da bleu vërdastra monet a marmorà ëd violet niss. Savor doss.
Ambient A chërs mach sota ij malëzzo (Larix decidua).
Comestibilità
A ven dàit për comestìbil.
Arferiment bibliogràfich për chi a veul fé dj'arserche pì ancreuse Suillus viscidus (Linné) Roussel [= Boletus aeruginascens Secr. ex Opat. nom. inval.; S. laricinus n(Berk.) O. Kuntze; B. collarius Persoon]
Categorìa:Pinajeuj Categorìa:Suillus