Вацлав Нецкарж (Václav Neckář, *23. октобер 1943, Прага) — чешскый спѣвак и филмовый актер.
Биография Родив ся в театралной родинѣ: отець быв актер, спѣвак и танечник, а мати — господарска директорка театру в Устю над Лабов, и сам он од малости спѣвав в хорѣ устецкой оперы. Музикантом ся став и его младшый брат Ян.Вацлав Нецкарж во филмѣ (чеш.)
Даколько разы неуспѣшно пробовав вступити до Академии музичных умѣлств в Празѣ. Наконець быв приятый яко елевПрактикант. до театру в Мостѣ, около 40 км од свого бывалища. Пак на куртый час достав ангажман до театру Алфа в Плзни, а року 1966 перейшов до театру Рококо в Празѣ.
Уже по первых записах и выступах на телевизии став ся едным з найпопуларнѣйшых спѣвакох. Выступовав тыж яко актер в театрѣ и во филмѣ. В позднѣйшой добѣ выступовав в музикалах дома и в заграничу.
В конци 1960-х въедно з Геленов Вондрачковов и Мартов Кубишовов заложили группу Golden Kids, котра барз успѣшно выступовала, покы не была заказана умѣлецка чинность Мартѣ Кубишовой, што привело до роспада группы. Позднѣйше въедно з братом заложив группу Bacily.
Року 1986 достав титул Заслуженого умѣлця републикы.
Року 2000 были опубликованы спискы информаторох штатной безпекы, в котрых было и его имя. Року 2002 мав апоплексичный удар, по котром мусѣв ся наново учити говорити и спѣвати, але вышов з того и вернув ся на сцену.
Актерство во филмѣ В року 1965 заграв ролю желѣзничного елева во филмѣ Остро сторожены влакы (чеш. Ostře sledované vlaky), котрый быв оцѣненый Оскаром од америцкой Академии филмового умѣлства и наук. Року 1969 заграв главну ролю во филмѣ Жаворонкы на нитцѣ (чеш. Skřivánci na niti), котрый остро критиковав режим и быв заказаный 20 рокы, достав ся на публичность аж по змѣнѣ режиму и премьера его была на берлинском межинародном фестивалу, де зыскав награду Золотый медвѣдь (1990). Вацлав Нецкарж втѣлив четыринадцять филмовых постав. Една з тых, што ся найрадше споминать позерачам е постава спѣваючого принца з казкы Шалено смутна принцезна (чеш. Šíleně smutná princezna, 1968), де принцезну грала и спѣвала Гелена Вондрачкова.
Оцѣнѣня 1986 — титул Заслуженого умѣлця републикы 2015 — медаля За заслугы 1. ступня1.ступень — найвысшый.
Жерела Kříženecký Jaroslav. Všechno je jenom jednou (Životní příběh Václava Neckáře). Nakl. XYZ, Praha 2006, 312 str., . Michal Herzán, Václav Budinský. Divadlo Rokoko. Vyd. Victory, Most, 1998, str. 10–12, 16, 45–8.
Одказы Чешска ТВ-1 о Вацлавови Нецкаржу (видео) Вацлав Нецкарж во филмѣ (чеш.) Албумы Вацлава Нецкаржа Václav Neckář & Bacily (Official) (чеш.) Václav Neckář - Půlnoční
Референции
Катеґорія:Співаци Катеґорія:Филмовы артисты Катеґорія:Артисты театра