Юрий Игнатков Ihnátkó György,Поп І., с.251.(*14. май 1840, Михаловцѣ, Земплин, Австрийска монархия — †14. септембер 1885, Лученець, регион Банска Быстриця, Австро-Мадярщина), педагог и новинарь русофилской и русино-русофилской ориентации, языко- и литературознатель.
Биография Высокошколске образованя достав на филозофичной факултѣ в Будапештѣ, по закончѣню котрой робив яко гимназиалный профессор в Будапештѣ,Поп И., сс. 185–186. де выучовав латинскый, грецкый, русскый язык. В року 1866–1867 профессор на гимназии в Унгварѣ, в року 1867–1868 зась в Будапештѣ, в роках 1868–1876 в Левочи, в роках 1876–1885 в Лученци.Бабота Л., с. 152. Подтримовав и пропаговав идеи панславизма. З той причины быв перемѣщованый на все новы мѣста роботы.Paul Robert Magocsi, с. 176. Активно выступовав в пресѣ: Слово (Львов), Вѣстникъ для русиновъ Австрійской державы (Вѣдень), Pesťbudinské vedomosti (Будапешт).
Быв активистом в Обществѣ св. Василия Великого и Матицѣ Словенской, сполуосновательом литературной новинкы Свѣт (1867).
Научна робота Написав статьи о славянскых языках, польской и российской литературах, котры публиковав переважно в фаховом часописѣ Országos tanáregyleti közlöny (1867–1868, 1874–1875). Статьи о русской и польской литературѣ публиковав в будапештскых часописах Fővárosi Lapok (1869) и Pesti Napló (1870). Писав о вплывѣ крестовых походох на културный розвой Европы, о взаимных звязях индоевропскых языкох. В року 1875 опубликовав штудии грецкой поезии, а року 1877 перву в Мадярщинѣ грамматику циганского языка Cigány nyelvtan.
Жерела Paul Robert Magocsi. Chrbtom k horam. Dejiny Karpatskej Rusi a karpatských Rusínov. UNIVERSUM. Prešov, 2016. . Любиця Бабота: Ігнатков ЮрІй, Ігнатов. //Ковач Ф. и др. Краєзнавчий словник русинів-українців. Пряшівщина. СРУСР. Пряшів, 1999. . Іван Поп: Ігнатков Юрій. //Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. С. 251. Иван Поп: Игнатков Юрий. //Поп, И. Энциклопедия Подкарпатской Руси. Ужгород: Изд-во В.Падяка, 2001. Сс. 185–186.
Референции
Катеґорія:Русиньскы лінґвісты Катеґорія:Русинскы литературознателе Катеґорія:Русиньскы новинаре Катеґорія:Русиньскы педаґоґы