Лю́двиг Фи́лип ( Людвіг Іванович Філіп, Fülöp Ludvig; *11. децембра 1943 – †21. септембра 2023) быв историк, краезнатель, музейник, педагог, сполоченскый дѣятель.Людвіг Філіп (11.12. 1943 – 21.09 2023)
Такой по дипломованю на историчной факултѣ УжДУ в року 1967 прийшов працовати до Закарпатского краезнавчого музею, де в 24 рокы став ся ведучым оддѣлу истории досовѣтского сполоченства, створив стало дѣючу експозицию з истории краю, организововав множество дочасных тематичных выставок, отворив даколько музейох в области на аматерскых принципах. Детално штудировав историю грекокатолицкой Церкви на Подкарпатю, публикуючи резултаты в научных и церковных выданях. Быв довголѣтным редактором (1990–2006) грекокатолицкой новинкы „Благовісник“. Як голова културного общества А. Духновича, активно обгайовав русинство. Интересовав ся фолклором, народныма звычаями и обрядами, зокрема свальбяныма, многонародностного обывательства краю. Опубликовав историю Радванкы,Микрорайоны Ужгорода. одкы походив, Цеголнѣ тай иншы историчны материалы. Вдякы його усиловной зберательской роботѣ фонды краезнавчого музею ся поповнили вельома цѣнныма експонатами, зокрема з истории желѣзоливарства Подкарпатя, печатництва, фотографованя, архивныма жерелами.
По одыйтю до пензии (2011) Людвиг Филип продовжовав штудованя истории и културы краю, часто навщѣвовав родный музей. В роках 2017–2018 историк став ся головным научным конзултантом при створеню новой модерной експозиции з истории Подкарпатя од VIII. cт. до року 1920; приносив и даровав новы експонаты.
Важнов подѣйов в житю Людвига Филипа стало ся выданя його книгы по украинскы и русинскы „Ужгород. Рідне місто моє“, на презентацию котрой в року 2021 были позваны и научны сполупрацовникы музею. Автор ещи иншых книг з локалной истории и векшого числа публикаций, в котрых ся силовав незавзято операти ся на историчны факты, а не на идеологичны або политичны потребы.
На честь памяти историка його имя несе улиця Людвига Филипа на Радванцѣ в Ужгородѣ.
Жерела
Референції
Катеґорія:Русиньскы історіци Катеґорія:Русиньскы новинаре