Аде́ль Русла́нӱвна Шейхітді́нова (; ; род. 15 януара 2000, Уфа, Башкортостан, Росія) — російська спӱвачка, активна у башкырськӱм сеґментови музикы, исповнявучи у основному пісні на башкырському языкови, зкладавучи у них традиційный башкырськый фолклор и новӱтнёє електронноє звучаня. Є Заслуженым артистом Републікы Башкортостан (2025).
Одержала майбӱлшу славу, уповнивши у статусови участниці фолк-тріо «Ay Yola» их упущену 14 марця 2025 року пісню «Homay», пак ставшу хітом и попавшу у світові музичні чарты.
Біоґрафія Адель Шейхітдінова родила ся 15. януара 2000 року у Уфі у файті де была мама руська и отиць башкыр, Руслан Шейхітдінов. У дітинствови Адель говорила избӱлша по-руськы, єднак у нынішньый час спӱвачка знає иппен и анґліцькый. Начала Адель занимати ся музиков у ранньӱм вікови и ищи школницёв уйграла пару престижных конкурсӱв, такі ге «Вдохновение» и «Уфимская волна». У 2018 році поступила у Институт соціално-філозофськых наук и масовых комунікацій Казанського федералного універзитета по спеціалности «телевидіня». По кӱнцю учобы у універзитетови рӱк проробила у звукозаписнӱв компанії у Москві, де писала тексты пісньӱв про столичных артистӱв.
Творчый путь Музична карьєра Адель зачала ся у 2010 році у дуетови из свойым вӱтцём Русланом Шейхітдіновым у проєктови «Musume». Ґрупа упустила два албома и появила ся у парі телешоу. У 2024 році въедно из Ринатом Рамазановым Шейхітдіновы заложили ґрупу «Ay Yola», исповнявущу музику в жанрови етно-поп по мотивам башкырського епоса «Урал-батыр».
Упущеный 14 марця 2025 року сінґл «Homay» принӱс Адель Шейхітдіновӱв величезну популарность: войшовша у албом «Урал-Батыр» композиція нараз стала хітом, набравши міліоны прослуховань. Фраґменты пісні скоро шырили ся у социалных сітках и стали шыроко хосновати ся про сотворіня куртых відеороликӱв у TikTok, YouTube Shorts и Reels, особенно у тюркоязычных реґіонах из товмачінями на узбицькый, татарськый, турицькый, руськый, казахськый и другі языкы.
Дискоґрафія У складови ґрупы «Ay Yola»Рӱк релізаЛейблСінґлыАлбомы2025МТС Лейбл«Homay»«Ural Batyr»«Ural Vasyaty»«Yola»«Homay»(въедно из Дімом Біланом) rowspan="8" «Ay, bylbylym»(въедно из Алсу)«Navigator Records»«Чёрная Луна»«Riki Music»«Башкирский мёд» (Homay)(въедно из Смішариками)
Награды и званя
Заслуженый артист Републікы Башкортостан (2025).
Удкликованя
Катеґорія:Персоналії подля алфавіту Катеґорія:Жыючі люде Катеґорія:Співаци Катеґорія:Музиканты Катеґорія:Родили ся у 2000 Катеґорія:Родили ся 15. януара