Юрай Якубіско (, *30. апріля 1938 Койшов, Словеньско – †24. фебруара 2023, Прага, Чесько) — словацькый філмовый режісер, сценаріста і камераман русиньского походжіня. Ёго філмы ся вызначують дуже особитов поетічностёв, бізарностёв і дивнов гравостёв.
Ёго другов манжелков была словацька геречка и філмова продуцентка Деана Горватова-Якубіскова. Од року 2001 ся став доцентом Філмовой факулты Академії музичного уменя в Празї.Osobnosti.sk: Juraj Jakubisko
Юрай Якубіско ся родив в русиньской фамилії на выходї Словеньска. Выштудовав умелецко-промыслову школу во фаху «умелецка фотографія» в Братїславі, режісерске и камераманске оддїлїня Філмовой факулты Академії музичного уменя в Празї.
Яко режісер дебутовав в року 1967 повнометражным граным філмом Христовы рокы. Наступны філмы Утїкачі і одпустовы (1968), Потята, сироты ай блазнї (1969), Стрітиме ся в пеклї, приятелї (1970) были в заказаны «нормалізачнов» цензуров, а режісер надале довгы рокы мав право награвати лем документарны філмы. Аж в року 1979 накрутив граный філм Постав дом, засадь стром. Вершинов ёго творбы з стала ся історічна саґа Тысячрочна пчола (1983). В року 2000 в резултатї анкеты быв вызнаный лїпшым словацькым режісером XX. стороча. Быв членом Европской філмовой академії.
Інтересны факты В маю 2012 Юрай Якубіско в Інштітутї клінічной ай експеріменталной медицины (IKEM, Прага) абсолвовав трансплантацію сердця, а так став ся найстаршым паціентом (74 рокы), котрый успішно вытримав таку компліковану операцію.Režiséru Jakubiskovi transplantovali v IKEM srdce
Жрідла і одказы
Референції
Катеґорія:Русиньскы режісеры Катеґорія:Камераманы