Звала (слов. Zvala, мад. Zellő) — заникле село в Словакии в окресѣ Снина. Року 1986 было збуряне з причины выставбы водного дѣла Старина.
Полога Село Звала лежало в долинѣ потока Стружниця о 18 км сѣвернѣйше од села Стащин в надморской вышцѣ 457 м. Катастрална плоха села была 19,11 км2.
История Перва документована упоминка о селѣ датована роком 1588: Zwyela, Zwela.Mizser Lajos. Zemplén megyei helységnév-vizsgálatok Спочатку село належало Гуменскому панству, пак розличным аристократичным родам. Року 1910 при списованю в селѣ занотованый 441 обыватель руськой народности грекокатолицкого вѣросповѣданья. В яри року 1915 при вламаню ся российского войска в околици Звалы точили ся тяжкы биткы.Révai nagy lexikona Первый раз фронт приближив ся ку селу уже в новембрѣ 1914. Роком 1930 зафиксовано найвекше число обывательства — 567, з того Словакы — 71.Звала в датабазѣ сел Словакии
Днешность З бывшого села заховав ся сельскый громадскый цынтарь и една родинна хыжа, котра теперь служить за ловецьку хату Польовницкого здружѣня ZUBOR ZVALA-SMOLNÍK. На мѣстѣ бывшой мурованой грекокатолицкой церкви св. Петра и Павла з року 1795 стоить капличка, де ся каждый рок в перву недѣлю юла одбывають одпустовы славности.
Военскый цынтарь, котрый е частьов громадского, мѣсто вѣчного одпочинку 288 вояков, векшинов российскых, мать плоху , на котрой суть 48 сполочны гробы.
Куриозиты Подля устных подань назва села походить од слова "звалиска" — назвы мѣста, де велика буря назваляла вельо дерев и там пастыре собѣ зрядили зимовиско. Пак на том мѣстѣ збудовали село.Mizser Lajos. Zemplén megyei helységnév-vizsgálatok
Интересно, же диалект села Звала выокремлять ся межи иншыма селами долины Цирохы. Покаль цѣла тота долина мать перемѣну О->У, як долина Уга и верхной Тисы, звалчане мають О->Ü, як в долинѣ Боржавы и околици Мукачова.Maté Kálmán, Volossynovich Dezső...
Жерела Maté Kálmán, Volossynovich Dezső (eds.). Magyar-ruszin nyelvkönyv és kisszótár a M. Kir. honvédség és leventeoktató részére. Ungvár. 1940. Mizser Lajos. Zemplén megyei helységnév-vizsgálatok. // A Hermán Ottó múzeum évkönyve XXXIX. Miskolc, 2000. C. 514. Zellő. // Révai nagy lexikona. XIX-kötet. Révai testvérek irodalmi intézet RT. Bp. ПЗ ZUBOR ZVALA-SMOLNÍK
Одказы Туристична мапа Звалы Военскый цынтарь Звала Звала в датабазѣ сел Словакии (мад.) A Hermán Ottó múzeum évkönyve XXXIX. Miskolc, 2000. (pdf, 61 Mb)
Референции
Катеґорія:Заниклы села Словеньска