Смолник (слов. Smolník, мад. Újszomolnok, рус. нар. Смулник) — заникле село в Словакии, в окресѣ Снина. Село заникло в роках 1980–1986 з причины выставбы водной засобарнѣ Старина. Село находило ся в надморской вышцѣ 435 м над потоком Смолник, правым притоком рѣкы Цироха, главного засобуючого жерела. Санитарны нормы выжадовали ликвидацию села.
З истории Перва документована упоминка о селѣ е з року 1568. Року 1851 упоминать ся як руське село, де жиють грекокатоликы в числѣ 330 душ, римокатоликы — 13 душ, израелиты — 7 душ.Fényes Elek. Magyarország geographiai szótára Подля списованя року 1910 в селѣ было 375 валалчанов. Року 1980, перед збуряньом, в селѣ были 72 домовства и около 360 жителей.
Днешность Од року 1997 территория заниклого села лежить в ареалѣ природной резервации Народный парк Полонины. З бывшого села заховав ся сельскый цынтерь и военскый цынтерь з первой свѣтовой войны. На мѣстѣ давной церкви (1898) стоить деревяна каплиця.Lesopoľnohospodárske urbárske spoločenstvo Starina
Жерела Fényes Elek. Magyarország geographiai szótára, mellyben minden város, falu és puszta, betürendben körülményesen leiratik. Pest. 1851. Кузмякова, Анна. 35-ый рік од выселіня жытелів 7 сел Стариньской долины. //інфоРУСИН, 2015, ч. 11, сс. 1–2.
Одказы Смолник, туристична мапа Lesopoľnohospodárske urbárske spoločenstvo Starina (слов.) Церковь в Смулнику
Референции
Катеґорія:Заниклы села Словеньска