Ła Asociasion de Bałon de Venesia o Venesia Football Club ła xe na socetà de bałon, nasùa inte el 1907, co sede inte ła sità de Venesia.
Storia Fondasión, gloria, unión e fałimento Fondà inte el 1907, inte el 1909 ła riva a ła semifinal nasional (par mancansa de aversarie inte ła zona). Intrà alti e basi, ła riva in serie A inte el 1925-26. El Venesia da ła stajon 1929-30 el canbia anca nome e cołori (par ła cronaca el zera ciamà Serenisima e i cołori de łe magie i zera de roso venesian). L'esperimento el tèrmina tre ani daspò.
Al'inisio dei anni quaranta el Venesia el vinse ła Copa Itałia (1940-41), e riva terso inte ła stajon daspò. A quei tenpi inte el Venesia ghé zera dó grandi del calcio itałiàn come Ezio Loik e Valentino Mazzola, vinsidori de scudeti a ripetision col Gran Torin.
La socetà inte el 1987 ła conpra i diriti de ła squadra de Mestre (che ła ga anca xogà col nome de Mestrina) par darghełi pò al Pałermo rexentemente fałìo e ciapa par un breve periodo el nome de Venesia-Mestre. Na curioxità: inte i primi ani novanta inte el Campionado Nasional Diłetanti ghe ga xogà n'altra squadra de calcio col nome Venezia. Łe divixe de sta squadra qua łe zera del clàsego cołór neroverdo. El zera stà fondà da sogeti contrari a ła fuxion infrà Venesia e Mestre. El xe desconparso datorno al 1996.
Co ła rivada de Maurizio Zamparini e grasie al'integrasion de łe dó roxe del Venesia e del Mestre, ła squadra ła xe subito promosa in C1 e l'ano daspl ła tol de novo ła denominasion Associazione Calcio Venezia 1907. Daspò, inte el 1990-91, ła torna indrio B daspò un sparégio contro el Como, e inte el 1997-98 el Venesia el torna in serie A (Ałenadór Novellino) daspò trent'anni. Se salva ła stajon daspò grasie a łe prodese de Recoba e Maniero. Daspò ła retrocesion inte el 2001-02, ła squadra ła va in profonda crìxi anca par l'abandono del prexidente Zamparini (che inte el pasagio al Pałermo se tol drìo un bel fià de xogadori, infrà i cuałi el stéso Maniero) e a ła fìn del 2004-05 ła va xó in Serie C1.
El 22 zugno 2005 ła vien diciarà fałìa.
Ła rixałida Ła nova socetà ciamà Socetà Sportiva Calcio Venesia, cavegià dal Grupo Guaraldo rapresentà da Lorenzo Marinese, riparte da ła Serie C2 'ndo dopo na partensa al rałentadór rixàl vełosemente łe poxision fìn a oténare co dò xornae de antiçipo ła promosion in serie C1, dopo ła vitòria contro Jèxoło in trasferta par 3-1.
Inte ła staxón 2006/2007 el Venesia riva inte el campionado de Serie C1 come matricoła, ma dimostra fìn de suvedo de avere łe carte in regoła par n'immedià promosion in serie B. Dopo massa parégi inte łe prime xornae de campionado, el Venesia scomensa a infiłàr na bona serie de vitòrie.
Da ła prima jornada de ritorno fino a indeso ła formasion łagunare gò detegnù na beła posision inte ła classifica, anca si in coabitasion co altre formasioni, parché ghe xe un grando equiłibrio. Co grande fadiga el Venesia xe riussio a quaificarse ai play-off batendo in casa a l'ultima giornata el Pisa pa 1-0, co gol de Romondini a un minuto daa fine: na emosion grandissima pa tuti quei (mi compreso) che ga visto ła partìa. Dato che in campionato gerimo rivà quinti ai play-off ne ga toccà zogàr l'andata in casa contro, ironia dea sorte, propio el Pisa. Ma putropo dopo essere 'ndai in vantagio 1-0 stavolta nà xe finia come ła altra volta: el Pisa ga ricambia el favore pareggiando eo stavolta a pochi minuti daa fine. Così al ritorno a Pisa el Venesia, nonostante esserse portà in vantagio, el xe croà 3-1, el Pisa xe 'ndà in finae (e dopo el ga vinto anca quea 'ndando in serie B)e el sogno promosion pal Venesia zera finio. Restava comunque el ricordo e la sodisfaxion de na stajon vissua in alta classifica. 2007-2009 e naltro fałimento Ea stajon 2007-08 xe comincia poco ben e finìa quasi mal. Dopo un avvio co la sconfita casainga coa Cremonese (1-2) tra alti e basi el Venesia ga avuo ben 4 alenatori: Corradini (che el zera el vice de Deschamps aa Juve in serie B),sucedùo a Neo De Costanso soa panchina del Venesia a zugno, xe stà silurà de punto in bianco subito dopo ła prima giornata; dopo xe rivà D'Adderio, che parò el ga porta ła squadra dal sogno play-off all'incubo de dover zogar i play-out e infin xe rivà Michele Serena, mestrin, che xe riusio a far conquistare aa squadra ła salvessa diretta. Ea stajon 2008-09 ła xe comincia sin da subito in salida parchè el Venesia xe partio penaisà de 4 punti a causa dei mancati pagamenti dee tasse da parte dea società. Ea squadra ga sempre navigà nee zone basse dea classifica piombando a xenaro adiritura a l'ultimo posto. Michele Serena xe sta esonera a metà novembre e al sò posto ghe xe stà Michele Cuoghi che parò no ga fato mejo del colega Serena che anzi xe sta riciamà a marso pà sercare de fare l'impresa: recuperare 6 punti dal penultimo posto pa disputar almanco i paly-out e sperar de salvarse così. Ea squadra ga pian pian ripreso fiducia e nonostante el muro contro muro coa dirigensa, accusà de no aver pagà i stipendi ai zogadori, e qualche sciopero anca dei stessi zogadori, el Venesia ga comincià a far punti pesanti sora-de-tuto in casa e a recuperare punti e quindi speransa. E ultime partie casainghe e xe finie 3-1 col Novara, 1-0 col Pergocrema, 2-0 col Legnàn, 0-0 coa Sambenedetese (avversaria paa salvesa) e l'esaltante 1-0 col Ravena secondo in clasifica. Manca soo nà partia aa fin del campionato: Pro Sesto-Venesia. Ai play out el Venexia vinse pa 3-1 a l'andata e paregia 1-1 in trasferta al ritorno e dunque resta in Lega Pro Prima Division dopo comunque na sofertissima salvessa.
L'8 lugio 2009 el Venexia el xe nel'elenco de łe sedeze squadre escluse da ła Lega Pro dopo i controłi de ła Co.Vi.Soc.
El 10 Lugio i zogadori e i alenadori i xe stà convocà in sede pa ciapare i aretrati dei stipendi e firmare łe liberatorie (indispensàbiłi pa l'iscrixión) a mezodì. Ghe xe un primo rinvio a łe dó e meza. El tempo passa e i tifosi i taca a impinire ła sede ma no sucede gnancora gnente. Ałe sie del pomerigio riva ła notixia che el neo proprietario Golban el se ga ritirà e el xe intensionà a far causa ai Poleti pa non aver iscrito ła squadra al prossimo Campionato de Lega Pro. Ałe ore 20 ła piassa de ła sede ła xe gremia de tifosi in lacrime par l'ormai inevitàbiłe fałimento dei Lagunari. Riva parò ła smentia da parte de Golban de vołer ritirarse ma ormai nessuno sa pì cuałe che xe ła verità. Sta de fato che entro le 13 de sabo 11 Lugio el Venexia el gavaria dovuo presentar ricorso pa la non amision in Prima Divisione, invexe non xe stà mandà nessun scheo a ła Lega Pro. Pare ormai inevitàbiłe inte ła migliore de łe ipotesi ripartire co na nova società da ła serie D, ma el rischio de 'ndare adiritura inte el Campionato Rejonałe (Ecełensa, 1°,2° e 3° categoria) el xe pì che mai vivo. Questa xe l'amara verità: el glorioso Venexia Calcio el xe spario dal calcio professionistico.
La rifondassión: el Vecio Leon torna a rugir Grassie al lavoro de ła aministrasion comunałe mirà a asicurare un futuro al calcio venexiàn, a fin lugio 2009 xe sta fondà na nova società, la F.B.C. Union Venexia, co presidente Mauro Pizzigati e ałenador Paolo Favareto. El Venexia xe riussio a iscrivarse in SERIE D. El zoga inte el giron C par l'esatessa.
Stajon 2009-10 Se riparte da zero co na squadra che se raduna par el primo alenamento solo a feragosto, co na preparaxion in ritardo che se rivelerà decisiva par le prime partie che la squadra zoga: se fa fadiga a trovar el ritmo e se buta via punti prima perdendo dopo co tanti paregi. El Venexia trova finalmente el zogo inte el giron de ritorno fasendo 7 vitorie consecutive e fasendo più punti de tuti. Ma purtropo el primo posto xe massa distante sicchè i lagunari riva tersi in classifica ale spale de Montichiari (promosso) e Este. El disputa cossì i play-off vinsendo la prima partia co lo Jesolo in casa ma perdendo parò a sorpresa la seconda in casa co l'Union Quinto che espugna el Penzo co un 2-0 neto. La stagiòn se conclude co l'addio al sodalissio da parte del segretario generale Leandro Casagrande e dell'alenador Paolo Favareto.
Stajon 2010-11 Enrico Cunico vien nominà novo alenador del Venexia e l'organico dela squadra vien rivoluzionà: pochi i zogadori che resta (solo le vechie glorie Collauto e Vianelo), tanti quei che parte da Venexia e altretanti i novi che invesse sbarca in laguna. L'obietivo xe costruire un giusto mix de zoventù e esperiensa pa essere pì forti de l'ano passà e combattere par el primo posto fin alla fin del campionato. A marso dei russi compra ła società, el presidente deventa Yuri Korablin, dopo pochi dì more el patron Enrico Rigoni che ghevà salvà el Venexia inte el 2009 daea scomparsa e che gheva vendù la società ai russi. La squadra lotta tuta ła stajon par el primo posto insieme al Treviso, ma alla fin i biancoseesti trevisani i ga ła mejo e el Venexia riva secondo, nonostante l'arrivo in panchina de Gianluca Luppi al posto dell'esonerato Cùnzoło. Ai play-off, dopo ła vitoria contro el San Polo Padova, el Venexia perde 3-2 ła finale del giron C al Penzo contro el San Donà-Jesolo: l'amaressa xe tanta perché na papera del portier Casini (comprà a genaio dal Rovigo) rovina un campionato intiero ma anca riasume ła difesa ineficiente, piena de problemi pa tuta ła stajon, dall'inissio aea fine.
Stajon 2011-2012 Anca se durante l'istà, ła Lega Pro se ga slargà novamente a 76 squadre, łe speranse de ła squadra de poder vegnir ripescà in quel canpionato xe andàe perse del tuto quando anca a ła fin no xe stàda prexentàda ła documentasion necesaria che podeva servìr par far el gran salto. L'Union Venesia ga cussì da far i conti co ła realtà dovendose preparàr par un novo ano de canpionato in serie D. Ghe xe comunque a l'interno de ła società na riconpoxision de tuti i ròłi e i inpreditori rusi 'rivài da pòco che ciapa in man el destin de ła società e de ła squadra controłàndoghene cussì in modo ciaro el so futuro dàndoghe sicuresa e sołidità. Inte el C.D.A. ghe xe alcuni dirigenti che no vien più riconfermà : el D.S. Andrea Seno e l'ałenador Gianluca Luppi; al so posto riva Oreste Cinquini e el xovene ałenador Davide Sassarini. I xogadori invese che fa oncora parte de ła roxa xe el sentrocanpista Casagrande, el capitan Mattia Collauto e el goleador Emil Zubin, ai cuałi se ghe xonta na serie de xoveni che riva da xovaniłi de squadre profesionistiche, alcuni xogadori che prima miłitava inte el giron toscano de ła serie D, e qualche colpo ben studià, cofà l'ingàgio del defensor central navegà Roberto Mirri, e dei esterni d'ataco Diego Oliveira (che l'ano pasà xogava in serie B) e Fabio Lauria (che riva dal Lumezzane in C1). Durante el mercà invernàłe vien po' ingagià el centrocanpista che xogava a ła Triestina Nicola Silvestri, e dopo el ritorno de l'atacante Marco Moro, vecia conosensa del calcio łagunàr che xa gaveva disputà un canpionato co ła squadra arancioneroverde inte i ani de ła gestion dei Poletti. L'Union Venesia otien ła promosion in Lega Pro co do xornàe de antisipo, dopo na longa batagia col Delta Porto Tolle in un canpionato dove co undexe ponti de distaco e un cało de punti (da ricordàr anca ła sostitusion de l'ałenador Davide Sassarini col mister Giancarlo Favarin, el Venesia riese comunque a vìnser el canpionato co na xornàda de antisipo. Dopo ła finałe ne ła corsa par el scudeto de Serie D, l'Union Venesia vinse 3 a 2 col Teramo Calcio deventando cussì "Canpion de Itałia" par quanto rivarda ła serie diłatentistica (D) xontando cussì un novo trofeo ne ła so bacheca in vista de ła Lega Pro.
zugno 2012: un sion danexa el stadio El 12 de zugno 2012 un sión el ga colpio łe ìzołe de Sant'Erasmo, de ła Certoxa e Sant'Elena. Anca el Stadio dove xoga ła squadra łagunar el ga avùo tanti dani, primo intrà tuti un plàtano cascà xo sol muro che ghe xe in banda. I dani xe stài tanti ma se pensa che comunque par el scominsio de ła stajon sucesiva sarà tuto giustà.
Iscrision par el nòvo canpionato in Lega Pro