L'Orto botànego de Padoa el ze stà fondà inte el 1545 e el ze el orto botànego piesè antico oncora ezistente al mondo. El ga atualmente na superfice de vintidomiłe metri quadri e el contien piesè de siemila piante de tuti i tipi. Dal 1997 el ze stà meso inte ła lista dei Patrimoni de l'umanità da l'UNESCO.
Storia L'orto el ze stà fondà inte el 1545 co un decreto del Senato de ła Repùblega de Venèsia, par verghe un posto dove coltivar erbe medicinałi par curar ła gente o par motivi de studio.
Ła strutura originałe de l'orto l'era de forma çircołare co drento un quadrato, a so volta divizo in quatro tochi da du viałi perpendicołari. Inte el 1552 l'orto el ze stà çircondà da un muro rotondo, par far in modo che no i robese łe erbe mediçinałi, ma inte i secołi sucesivi l'orto el sà slargà anca de là del muro.
Tra i ezenplari piesè interesanti, va ricordà ła così dita "palma de Goethe", un ezenplare de palma de San Piero (Chamaerops humilis L.) méso a dimora inte el 1585, che el famozo scritor todesco el ga vedesto durante el so viajo in Italia e ch'el ga nominà inte el sàgio ła metamorfozi de łe piante (1790).
Tra łe varie piante de l'orto ghe ze: Piante medicinali e vełenoze Piante carnivore Piante grase Orchidee Piante aquatiche Piante alpine Piante mediteranee Piante tipiche del Triveneto
Bibliografia A. Minelli, L'orto botanico di Padova (1545-1995), Marsilio, 1998 ISBN 88-317-6977-4 G. Buffa , F. Bracco, N. Tornadore, Guida all’Orto Botanico di Padova. Quattro percorsi par conoscerne la storia e le piante. Centrooffset, Padova, 1999. ISBN 88-900229-1-4
Altri progeti
Linganbi foresti Sito ufiçiałe de l'Orto botanico de Padoa Storia de l'Orto botanico de Padoa Botanical Garden, Padua - UNESCO website
Gałeria fotografica
Categoria:Orti botaneghi in provincia de Padoa