La Sałisada del Zigante (par gaèłego Clochán an Aifir, par inglezo Giant's Causeway) el ze na àrea de sirca 40,000 cołone de bazalto incastrae intrà de lore, rezultà de na erusion volcànega. El ze situà inte la costa Nord-Est de l'Irlanda, a cuazi 3 chilòmetri verso Nord de ła sità de Bushmills inte la contea de Antrim, Irlanda del Nord. El ze stà declarà Sito Patrimònio Mondiałe da l'UNESCO inte el 1986, e na Reserva Naturałe Nasionałe inte el 1987 dal Departemento de l'Anbiente de l'Irlanda del Nord. Le sime de łe colone łe forma dei scałini che i sparise finmente soto del mar. Le pì tante cołone le ze ezagonałi, ma ghe ze anca tante co cuatro, sìncue, sete o oto lati. Le pi alte le riva finmente ai 12 metri de altura (36 piè).
Lejenda La lejenda la dize che el zigante Fionn mac Cumhaill (Finn McCool) el ga tirà su la sałisada par ndar a piè finmente in Scòsia par conbàtar col so nemigo scosezo Benandonner. Senpre sta lejenda la dize che Finn McCool el se gàpia indormensà prima de rivar in Scòsia. Co no el ło ga visto rivar, Benandonner el ze ndà in serca de lù. Par protèzar Fionn, so mojere ła ghe gaveva tacà sora un ninsioło cołor bianco de modo da far finta che el fuse so fioło. Co che Benandonner el ga visto cuanto grando che el zera el tozateło, el ze scanpà via pensando a xuanto grando che el gavese da èsar so pare, e desfando la sałisada col fin che Fionn no el ghe ła fazese córarghe drio.
Struturasion singułari L'erozion atmosfèrega durada racuanti milioni de ani ła ga fazesto-sì che racuante struture de ła zona łe parese ojeti, cofà l'Arpa del Zigante, l'Organo, el Stivałe del Zigante, i Camini, la Carega del Zigante e la Bresca. Cuà ghe ze anca i Oci del Zigante, cołone erozionae de cołorasion rosastra formae par el movimento del bazalto, cusita cofà i Scałini del Pastor, ła Porta del Zigante e ła Goba del Cameło.
Gałaria fotogràfega
Notasion
Altri projeti
Linganbi foresti
Categoria:Patrimoni de l'umanità in Regno Unìo Categoria:Pàjine co erori inte łe mape