L'Osèano Atlàntego el xe el secóndo osèano de ła Tera, e el cuerde sérca el 20% de ła superficie.
El xe dełimità a òvest dal continente american (da ła banda setentrional co ła Mèrica del Nord, da qûeła meridional co ła Mèrica del Sud) e a est da l'Europa e da l'Àfricama do dei só mari adiasénti, el Mar Mediteràneo e el Mar Negro i bagna anca l'Àxia., a sud da'l continente antartico Secondo serti giografi el riva soło che al parałeło 60°S, oltre del cual se pasa a l'Osèano giasal Antartego dito anca Osèano Austral.
El meridian 20°Ein corispondensa del Cao de Bóna Speransa ło separa a est da l'Osèano Indian; cheło 67°Win corispondensa del Cao Horn ło separa a ovest da l'Osèano Pasìfico. El łimite osidental del'osèano inte el arsipełago de ła Tera del Fógo el xe in corispondensa de'l Pasajo de Drake. A nord el xe cołegà co el Mare Jasal Àrtico, dal qûal ło separa na łìnea convensional che ła va da ła Groenlandia fin al arsipełago de łe Spitzbergenel limite setentrional del Mar de Groenlandia. e n'altra łìnia convensional che ła va da łe Spitzbergen a ła banda setentrionae de ła Norvegiael limite setentrional del Mar de Norvegia..
Inóltra existe anca de łe conesion artifisałi co staltri osèani:co l'Osèano Pasìfico par banda de'l Canal de Panamá che el xe rénteghe a l'equador, inte l'istmo che el łiga le do Mèriche, e co l'Osèano Indian par banda del canal artificial de Suezche el cołega in realtà el Osèano Indian co el Mar Mediteràneo..
El nome de l'osèano, el riva da ła mitołogìa greca, el signìfica "Mar de Atlante".
Zeografia fizega Sto osèano el òcupa un basin a forma de "S", slongà inte ła diresion nord-sud. El xe dividést in do sesion prinsipałi, l'Atlàntico del Nord e l'Atlàntico del Sud, da corénti equatoriałi a sérca 8° de latitùden nord. L'Osèano Atlàntego, specie nea parte setentrionàe, el presenta coste iregolari co molte baie, golfi e comunicasion co altri mari. Tra sti ultimi ghe xe a ovest el Mar dei Caraibi, el Golfo del Mèsego, el Golfo de San Lorenso, ła Baia de Hudson e ła Baia de Baffinconsiderando el osèano estexo fin al continente antartego anca el Mare de Weddell, e a est el Mar Mediteraneo, el Mar Negro, el Mar Seltego, ła Mànega , el Mare del Nord, el Mar Bàltego, el Mare de Barents, el Mare de Norveja e el Groenlandia.
Idrografia L'osèano propriamente dito el coerxe un'area de sirca 82 362 000 km² (pari a 8 olte quea de l'Europa), che riva a 106 450 000 km² se se toe in considerasion anca i so mari adiacenti. L'Atlàntego el coerxe el 20% dea superficie dea Tera, e el xe secondo solo al Pasìfego come grandessa. Le tere ocupàe da ła conca idrogràfega de l'Atlàntego e amonta a cuatro olte quee del Pasìfego o de l'Indiàn.
Ea larghessa de l'Atlàntego ła varia tra 2 848 km inte el ponto pi streto, tra el Brasil e ła Liberia, fin a 4 830 km tra i Stati Uniti e l'Africa setentrionàe.
Ea profondità mèdia de l'Atlàntego ła xe de 3 926 metri, ridota a 3 332 se se toe in considerasion i mari adiacenti. Ea profondità majore a xe de 8 605, ragiunta nea Fossa de Milwaukee, vissìn a Porto Rico.
El volume de l'Osèano Atlàntego el xe de 323 600 000 km³, e de 354 700 000 km³ considerando anca i mari adiacenti.
E linee de costa de l'Atlàntego e riva in totale a 111 000 km.
Ìzołe E pi grande ìzołe de l'Atlàntego e xe ła Groenlandia, ła Tera de Baffin, l'Islanda, Teranova, ła Gran Bretagna, l'Irlanda, Cuba e Hispaniola. Tra cuee picenine se segnala e Ìxołe Canarie, e Azore, e ìzołe del Cao Verde, e Bermuda, e Isole Madeira, e Isole Falkland, l'ìzoła de Ascension, Sant'Elena, Tristan da Cunha, e tute e ìzołe minori dea regiòn caraibica (Bahamas, Martinica, Barbados ecc.).
Note
Atlàntego Categoria:Pàjine co erori inte łe mape